Het jy al tydens die eerste besoek ’n studie gedemonstreer?

Wanneer party huisbewoners ’n Bybelstudie aangebied word, sê hulle dat hulle nie belangstel nie of dat hulle ’n Bybelstudie by hulle kerk het. Aangesien hulle die begrip van ’n Bybelstudie net met hulle vorige ondervinding kan vergelyk, weet hulle nie hoe insiggewend en aangenaam dit kan wees nie. Moet dus nie net ’n studie aanbied nie, maar gebruik ’n paar minute om die Bybelstudiereëling tydens die eerste besoek te demonstreer. Ter toeligting: Moenie net vir hulle sê dat jy ’n goeie kok is en aanbied om met ’n ete terug te kom nie; laat hulle sommer dadelik proe! Hier is ’n voorbeeld van hoe jy dit in slegs ’n paar minute kan doen, gebaseer op ’n voorgestelde aanbieding op bladsy 5 van Ons Koninkryksbediening vir Maart 2006.

“Dink jy dat die dag ooit sal kom wanneer hierdie woorde vervul sal word? [Lees Jesaja 33:24, en wag vir ’n antwoord.] Ek wil jou graag iets interessants hieroor wys.” Gee vir die huisbewoner ’n Leer Bybel-boek en vestig sy aandag op paragraaf 22 op bladsy 36. Lees die vraag onderaan die bladsy en vra die huisbewoner om die antwoord te soek terwyl jy die paragraaf lees. Vra dan weer die vraag en luister na die huisbewoner se kommentaar. Lees nog een van die tekste saam. Vra ’n vraag wat tydens die volgende besoek beantwoord sal word, en tref vaste reëlings om terug te gaan. Jy het so pas ’n Bybelstudie begin!