Wagtoring – AANLYN BIBLIOTEEK
Wagtoring
AANLYN BIBLIOTEEK
Afrikaans
  • BYBEL
  • PUBLIKASIES
  • VERGADERINGE
  • w22 April bl. 4-9
  • Stel jy ’n goeie voorbeeld wanneer dit kom by jou spraak?

Video nie beskikbaar nie.

Jammer, die video kon nie laai nie.

  • Stel jy ’n goeie voorbeeld wanneer dit kom by jou spraak?
  • Die Wagtoring kondig Jehovah se Koninkryk aan (Studie-uitgawe) – 2022
  • Onderhofies
  • Soortgelyke materiaal
  • ONS SPRAAK MAAK VIR JEHOVAH SAAK
  • WORD ’N GOEIE VOORBEELD IN DIE BEDIENING
  • WORD ’N GOEIE VOORBEELD BY DIE VERGADERINGE
  • WORD ’N GOEIE VOORBEELD WANNEER JY MET ANDER PRAAT
  • Gebruik woorde “wat goed is vir opbouing”
    ‘Hou julle in God se liefde’
  • Ons woorde moet opbouend wees
    Hoe om in God se liefde te bly
  • Hoe kan jy Jehovah gelukkig maak deur die manier waarop jy met ander praat?
    Geniet die lewe vir ewig! – Bybellesse wat jou kan help
  • Hoe om kwetsende spraak te vermy
    Ontwaak!—2013
Sien nog
Die Wagtoring kondig Jehovah se Koninkryk aan (Studie-uitgawe) – 2022
w22 April bl. 4-9

STUDIEARTIKEL 15

Stel jy ’n goeie voorbeeld wanneer dit kom by jou spraak?

“Word . . . ’n voorbeeld vir die getroues in woord.” – 1 TIM. 4:12.

LIED 90 Bemoedig mekaar

IN HIERDIE ARTIKELa

1. Waar het ons vermoë om te praat, vandaan gekom?

ONS vermoë om te praat, is ’n geskenk van ons liefdevolle God. Die eerste mens, Adam, is geskep met die vermoë om met sy hemelse Vader te kommunikeer. Hy kon ook sy woordeskat vergroot deur nuwe woorde te skep. Dit is wat Adam gedoen het toe hy vir die diere name gegee het (Gen. 2:19). En dink net hoe opgewonde hy moes gewees het toe hy vir die eerste keer met ’n ander mens gepraat het – sy pragtige vrou, Eva! – Gen. 2:22, 23.

2. Hoe is die vermoë om te praat in die verlede misbruik, en hoe word dit vandag misbruik?

2 Kort daarna was die vermoë om te praat, misbruik. Satan die Duiwel het vir Eva gelieg, en daardie leuen het tot sonde en onvolmaaktheid gelei (Gen. 3:1-4). Adam het sy vermoë om te praat, misbruik toe hy Eva – en selfs Jehovah – vir sy eie foute blameer het (Gen. 3:12). Kain het vir Jehovah gelieg nadat hy sy broer, Abel, doodgemaak het (Gen. 4:9). En later het Lameg, een van Kain se nakomelinge, ’n gedig opgesê wat gewys het hoe gewelddadig die wêreld van sy tyd was (Gen. 4:23, 24). Hoe gebruik mense hulle vermoë om te praat vandag? Ons hoor hoe politieke leiers vuil taal in die openbaar gebruik. En dit is moeilik om ’n film te vind wat nie vloekwoorde bevat nie. Jongmense hoor vloektaal by die skool, en volwassenes hoor dit by die werk. Die feit dat vuil taal vandag so algemeen is, wys hoe sleg die wêreld geword het.

3. Watter strik moet ons vermy, en wat sal ons in hierdie artikel bespreek?

3 Omdat vuil taal so algemeen is, kan ons in die strik trap om dit self te begin gebruik as ons nie versigtig is nie. Maar as ons Jehovah gelukkig wil maak, moet ons meer doen as om vloektaal te vermy. Ons wil ons vermoë om te praat op ’n positiewe manier gebruik – om ons God te prys. In hierdie artikel gaan ons bespreek hoe ons dit kan doen (1) in die bediening, (2) by vergaderinge en (3) in ons daaglikse gesprekke. Maar kom ons kyk eers na hoekom ons spraak vir Jehovah saak maak.

ONS SPRAAK MAAK VIR JEHOVAH SAAK

Collage: 1. ’n Huisbewoner is kwaad, en ’n broer reageer op ’n negatiewe manier. 2. ’n Jong broer sing nie uit die hart by ’n vergadering nie. 3. ’n Suster praat oor die foon. Emoji’s van ’n donderstorm en van vuur wat uit ’n mond uitkom, dui aan dat die gesprek negatief en skadelik is.

Wat sê jou spraak oor wat in jou hart is? (Sien paragraaf 4-5)d

4. Volgens Maleagi 3:16, hoekom maak ons spraak vir Jehovah saak?

4 Lees Maleagi 3:16. Kan jy aan ’n rede dink hoekom Jehovah in sy “gedenkboek” die name neerskryf van dié wie se spraak wys dat hulle hom vrees en oor sy naam nadink? Een rede is dat die dinge wat ons sê, wys wat in ons hart is. Jesus het gesê: “Uit die oorvloed van die hart praat die mond” (Matt. 12:34). Die dinge waaroor ons praat, wys hoeveel ons Jehovah liefhet. En Jehovah wil hê dat almal wat hom liefhet, die lewe in die nuwe wêreld vir ewig moet geniet.

5. (a) Watter verband is daar tussen ons aanbidding en die dinge wat ons sê? (b) Soos ons in die prent sien, waarvan moet ons bewus wees wanneer dit kom by ons spraak?

5 Die manier hoe ons praat, kan bepaal of Jehovah ons aanbidding sal aanvaar of nie (Jak. 1:26). Party mense wat nie vir God lief is nie, praat op ’n aggressiewe, wrede en trotse manier (2 Tim. 3:1-5). Ons wil beslis nie so praat nie. Ons wil hê dat ons spraak Jehovah gelukkig moet maak. Maar sal ons Jehovah gelukkig kan maak as ons op ’n liefdevolle manier praat wanneer ons by die vergaderinge of in die bediening is, maar agter geslote deure op ’n wrede en liefdelose manier met ons familie praat? – 1 Pet. 3:7.

6. Wat het gebeur as gevolg van die goeie voorbeeld wat Kimberly gestel het?

6 Wanneer ons ons vermoë om te praat op die regte manier gebruik, wys ons vir ander dat ons Jehovah dien. Ons help hulle om die verskil duidelik te sien “tussen iemand wat God dien en iemand wat hom nie dien nie” (Mal. 3:18). Kyk na die ondervinding van ’n suster met die naam Kimberly.b Sy en een van haar klasmaats moes saam aan ’n projek werk. Terwyl hulle saam gewerk het, het die klasmaat opgelet dat Kimberly anders was as die ander studente. Sy het nie van ander sleg gepraat nie, sy het op ’n vriendelike manier gepraat en sy het nie gevloek nie. Kimberly se klasmaat was baie beïndruk en het toe ingestem om die Bybel te studeer. Dink net hoe bly dit Jehovah maak wanneer ons op ’n manier praat wat mense na die waarheid toe trek!

7. Hoe wil jy jou vermoë om te praat, gebruik?

7 Ons almal wil op ’n manier praat wat Jehovah eer en wat ons nader aan ons broers laat kom. So kom ons kyk nou na ’n paar voorstelle wat ons sal help om aan te hou om ’n goeie voorbeeld te wees wanneer dit kom by ons spraak.

WORD ’N GOEIE VOORBEELD IN DIE BEDIENING

Collage: 1. Die vorige prent van ’n huisbewoner wat kwaad is en ’n broer wat op ’n negatiewe manier reageer. 2. Die broer praat op ’n vriendelike en taktvolle manier met die huisbewoner.

Wanneer ons op ’n vriendelike manier met mense in die bediening praat, maak dit Jehovah se hart bly (Sien paragraaf 8-9)

8. Watter voorbeeld het Jesus in die bediening gestel wanneer dit kom by sy spraak?

8 Praat op ’n liefdevolle manier en wees respekvol wanneer ander jou kwaad maak. Gedurende Jesus se bediening het party gesê dat hy ’n vraat is, aan wyn verslaaf is, vir die Duiwel werk, die Sabbat breek en selfs dat hy ’n godslasteraar is (Matt. 11:19; 26:65; Luk. 11:15; Joh. 9:16). Maar Jesus het nie vir hulle op ’n lelike manier geantwoord nie. Net soos Jesus, moet ons respekvol bly en op ’n liefdevolle manier praat, selfs as mense onbeskof is met ons (1 Pet. 2:21-23). Maar dit is natuurlik nie maklik om dit te doen nie (Jak. 3:2). Wat kan ons help?

9. Wat kan ons help om ons tong te beheer wanneer ons velddiens doen?

9 Probeer om nie kwaad te word wanneer ’n huisbewoner onbeskof is met jou nie. ’n Broer met die naam Sam sê: “Ek probeer om te fokus op die feit dat die huisbewoner die waarheid nodig het en op die feit dat hy kan verander.” Soms is ’n huisbewoner miskien kwaad omdat ons op die verkeerde tyd daar aangekom het. Wanneer ons iemand in die bediening ontmoet wat kwaad is, kan ons doen wat ’n suster met die naam Lucia doen. Ons kan ’n skietgebed doen en vir Jehovah vra om ons te help om kalm te bly en om op ’n liefdevolle en respekvolle manier te praat.

10. Volgens 1 Timoteus 4:13, watter doelwit moet ons vir onsself stel?

10 Word ’n beter onderrigter. Timoteus was ’n goeie onderrigter, maar selfs hy moes aanhou om geestelike vordering te maak. (Lees 1 Timoteus 4:13.) Hoe kan ons beter onderrigters in die bediening word? Ons moet goed voorberei. En ons het baie hulpmiddele wat ons kan help om beter onderrigters te word. Jy kan goeie voorstelle vind in die brosjure Leer hoe om beter te lees en onderrig, sowel as in die gedeelte “Lê jou toe op die veldbediening” in Ons Christelike Lewe en Bediening – Vergaderingwerkboek. Maak jy gebruik van hierdie hulpmiddele? Wanneer ons goed voorberei, voel ons minder senuweeagtig en praat ons met meer selfvertroue.

11. Wat het party Christene gehelp om beter onderrigters te word?

11 Ons kan ook beter onderrigters word deur by ander in die gemeente te leer. Sam, wat vroeër aangehaal is, probeer kyk na wat sekere broers en susters in die gemeente goeie onderrigters maak. Hy luister mooi na hoe hulle onderrig, en hy probeer om hulle na te volg. ’n Suster met die naam Talia luister ook mooi na hoe ervare sprekers openbare toesprake gee. Dit het haar gehelp om met mense in die bediening te praat oor onderwerpe waarin hulle belangstel.

WORD ’N GOEIE VOORBEELD BY DIE VERGADERINGE

Collage: 1. Die vorige prent van ’n jong broer wat nie uit die hart sing by ’n vergadering nie. 2. Die jong broer sing uit volle bors.

Ons prys Jehovah wanneer ons by die vergaderinge uit die hart sing (Sien paragraaf 12-13)

12. Wat vind party dalk moeilik?

12 Ons almal kan tot die sukses van ons vergaderinge bydra deur te sing en deur goed voorbereide antwoorde te gee (Ps. 22:22). Party vind dit moeilik om te sing of om ’n antwoord te gee. Vind jy dit moeilik? Wel, kom ons bespreek wat party gehelp het om hulle vrese te oorkom.

13. Wat kan jou help om uit die hart te sing by die vergaderinge?

13 Sing uit die hart. Wanneer ons by die vergaderinge sing, moet ons doelwit wees om Jehovah te prys. ’n Suster met die naam Sara dink nie dat sy baie goed kan sing nie. Maar sy wil Jehovah prys wanneer sy by die vergaderinge sing. Daarom berei sy die liedjies ook voor wanneer sy vir die vergaderinge voorberei. Sy oefen die liedjies en sy probeer kyk hoe die woorde van die liedjies inpas by die dinge wat by die vergadering bespreek gaan word. Sy sê: “Dit help my om meer te fokus op die woorde eerder as op hoe ek klink wanneer ek sing.”

14. Wat kan jou help om antwoorde by die vergaderinge te gee as jy skaam is?

14 Gee gereeld antwoorde. Vir party is dit baie moeilik om dit te doen. Talia, wat vroeër aangehaal is, sê: “Ek ly aan sosiale angs, maar my stem klink gewoonlik kalm, en daarom let ander dit gewoonlik nie op nie. Dit is vir my baie moeilik om ’n antwoord te gee.” Maar Talia laat nie toe dat dit haar keer om antwoorde te gee nie. Wanneer sy vir die vergaderinge voorberei, hou sy in gedagte dat die eerste antwoord op ’n paragraaf ’n kort en direkte antwoord op die vraag moet wees. Sy sê: “So dit is oukei as my antwoord kort, eenvoudig en tot die punt is, want dit is in elk geval die soort antwoord wat die Wagtoring-studiehouer wil hê.”

15. Wat moet ons in gedagte hou wanneer dit kom by ons antwoorde?

15 Selfs Christene wat nie regtig skaam is nie, vind dit soms moeilik om antwoorde te gee. Hoekom? ’n Suster met die naam Juliet sê: “Soms huiwer ek om ’n antwoord te gee omdat ek bang is dat my antwoord te eenvoudig is en dat dit nie goed genoeg is nie.” Maar hou in gedagte dat Jehovah wil hê dat ons die beste antwoorde moet gee wat ons kan gee.c Hy waardeer ons vasbeslotenheid om hom in die gemeente te prys, selfs al voel ons soms bang.

WORD ’N GOEIE VOORBEELD WANNEER JY MET ANDER PRAAT

16. Wat moet ons vermy wanneer ons met ander praat?

16 Vermy alle vorme van “beledigende taal” (Ef. 4:31). Soos ons vroeër genoem het, moet Christene nooit vloektaal gebruik nie. Maar ander vorme van beledigende taal is meer subtiel, en ons moet ook daarvoor oppas. Byvoorbeeld, ons moet oppas dat ons nooit negatiewe vergelykings maak wanneer ons praat van mense van ander kulture, stamme of nasionaliteite nie. En ons wil nooit vir enige iemand seermaak of beledig deur die dinge wat ons sê nie. Een broer erken: “In die verlede het ek soms sarkastiese opmerkings gemaak wat ek gedink het snaaks en onskuldig is, maar wat iemand anders se gevoelens seergemaak het. Oor die jare het my vrou my baie gehelp deur vir my in privaat te sê wanneer ek dinge gesê het wat nie mooi was nie en wat haar en ander seergemaak het.”

17. Met Efesiërs 4:29 in gedagte, hoe kan ons ander opbou?

17 Bou ander op deur wat jy sê. Wees gou om ander te prys eerder as om te kritiseer of te kla. (Lees Efesiërs 4:29.) Die Israeliete het baie gehad om voor dankbaar te wees, maar hulle het baie gekla. ’n Klaerige gees kan aansteeklik wees. Onthou hoe ’n negatiewe verslag van die tien spioene veroorsaak het dat “al die Israeliete . . . teen Moses . . . begin kla” het (Num. 13:31–14:4). Maar as ons ander prys, kan dit hulle baie aanmoedig. Byvoorbeeld, toe die vriende van Jefta se dogter haar geprys het, het dit haar seker baie aangemoedig om in haar toewysing te bly (Rigt. 11:40). Sara, wat vroeër aangehaal is, sê: “Wanneer ons ander prys, help ons hulle om te voel hoe lief Jehovah vir hulle is en om te besef dat hulle ’n plek in sy organisasie het.” Daarom moet ons na geleenthede soek om ander te prys.

18. Volgens Psalm 15:1, 2, hoekom moet ons die waarheid praat, en wat sluit dit in?

18 Praat die waarheid. Ons kan nie Jehovah gelukkig maak as ons nie die waarheid praat nie. Hy haat alle vorme van leuens (Spr. 6:16, 17). Al dink baie mense dat dit normaal is om te lieg, vermy ons dit omdat Jehovah dit haat. (Lees Psalm 15:1, 2.) En ons sal ook nie doelbewus probeer om by ander die verkeerde indruk te skep nie.

Collage: 1. Die vorige prent van ’n suster wat oor die foon praat. Emoji’s dui aan dat die gesprek negatief en skadelik is. 2. Die suster praat oor die foon en glimlag. Emoji’s van ’n gesiggie wat glimlag en van sonskyn dui aan dat die gesprek positief is.

Wanneer ons ’n negatiewe gesprek in ’n positiewe gesprek verander, kry ons Jehovah se goedkeuring (Sien paragraaf 19)

19. Wat moet ons nog vermy?

19 Moenie skinder nie (Spr. 25:23; 2 Tess. 3:11). Juliet, wat vroeër aangehaal is, sê: “Skinderstories maak my negatief, en dit veroorsaak dat ek vertroue verloor in die persoon wat skinder. Hoe weet ek dat daardie persoon nie van my gaan skinder nie?” As jy agterkom dat iemand begin skinder, dan moet jy probeer om die onderwerp te verander en om oor iets positiefs te praat. – Kol. 4:6.

20. Wat is jy vasbeslote om te doen wanneer dit kom by jou spraak?

20 Omdat so baie mense hulle vermoë om te praat, vandag misbruik, moet ons hard werk om seker te maak dat ons spraak Jehovah gelukkig maak. Onthou, ons vermoë om te praat, is ’n geskenk van Jehovah, en dit maak vir hom saak hoe ons dit gebruik. Hy sal ons seën as ons ons vermoë om te praat, op ’n positiewe manier gebruik in ons daaglikse gesprekke en wanneer ons in die bediening en by die vergaderinge is. Nadat Jehovah hierdie goddelose wêreld vernietig het, sal dit baie makliker wees om Jehovah met ons spraak te eer (Jud. 15). Maar intussen moet jy vasbeslote wees om Jehovah met “die woorde van [jou] mond” gelukkig te maak. – Ps. 19:14.

HOE KAN JY ’N GOEIE VOORBEELD STEL WANNEER DIT KOM BY JOU SPRAAK . . . 

  • wanneer jy in die bediening is?

  • wanneer jy by die vergaderinge is?

  • wanneer jy met ander praat?

LIED 121 Ons het selfbeheersing nodig

a Jehovah het vir ons ’n wonderlike geskenk gegee – die vermoë om te praat. Maar ongelukkig gebruik die meeste mense hierdie geskenk nie soos Jehovah wou gehad het nie. Aangesien hierdie wêreld se standaarde agteruitgaan, hoe kan ons hierdie geskenk gebruik op ’n manier wat Jehovah gelukkig sal maak en wat vir ander opbouend sal wees? Hoe kan ons hierdie geskenk op die regte manier gebruik wanneer ons aan die bediening deelneem, wanneer ons vergaderinge bywoon en wanneer ons met ander praat? In hierdie artikel sal ons die antwoorde op hierdie vrae bespreek.

b Party name is verander.

c Vir nog wenke wat jou sal help om by die vergaderinge antwoorde te gee, sien die artikel “Loof Jehovah in die gemeente” in Die Wagtoring van Januarie 2019.

d BESKRYWING VAN PRENT: ’n Huisbewoner is kwaad, en ’n broer reageer op ’n negatiewe manier. ’n Broer sing nie uit die hart nie. ’n Suster skinder.

    Afrikaanse publikasies (1975-2025)
    Meld af
    Meld aan
    • Afrikaans
    • Deel
    • Voorkeure
    • Copyright © 2025 Watch Tower Bible and Tract Society of Pennsylvania
    • Gebruiksvoorwaardes
    • Privaatheidsbeleid
    • Privaatheidsinstellings
    • JW.ORG
    • Meld aan
    Deel