Het jy al ooit gewonder?

WAT is een van die grootste hindernisse wat Moslems en Jode van die Christendom se kerke skei? Dit is die leerstelling van die “Heilige Drie-eenheid”. Wat is hierdie dogma? In die Athanasiaanse Geloofsbelydenis is die Drie-eenheid gedefinieer as die aanbidding van “een God in Drie-eenheid . . . Die Vader is God, die Seun is God en die Heilige Gees is God; en tog is daar nie drie gode nie, maar een God.” Na bewering is elkeen ewig en almagtig, met geeneen groter of minder as die ander nie; elkeen is na bewering God, en tog maak hulle saam net een God uit. Teoloë beskryf dit as ’n verborgenheid.

Sê die Bybel enigiets oor die Drie-eenheid?a Die volgende vrae sal jou miskien tot sekere interessante gevolgtrekkings laat kom. Jy sal Bybelse antwoorde op bladsy 12 vind.

1. Het die Jode hierdie lering in die Hebreeuse Geskrifte (“Ou Testament”) gevind as God ’n Drie-eenheid is en nog altyd een was?

2. Wat sê die Hebreeuse Geskrifte oor God?—Deuteronomium 6:4; Psalm 145; Sagaria 14:9.

3. Verwys die Hebreeuse Geskrifte na die heilige gees?—Rigters 15:14; Sagaria 4:6.

4. Verwys die Hebreeuse Geskrifte na die heilige gees as ’n persoon of as God se werkende krag?—Rigters 14:6; Jesaja 44:3.

5. Verwys die Hebreeuse Geskrifte na ’n beloofde Messias, of Gesalfde?—Daniël 9:25, 26.

6. Stel enige teks in die Hebreeuse Geskrifte die Messias gelyk aan God?—Psalm 2:2, 4-8; Jesaja 45:18; 61:1.

7. Gee enige Hebreeuse teks grondige rede om te glo dat Jehovah drie persone in een God is?—Jesaja 44:6; 46:9, 10.

8. Deur wie is Jesus aarde toe gestuur? Wie is dan die meerdere?—Johannes 5:19, 23, 30; 8:42; 14:28; 17:3.

9. Het Jesus ooit gesê dat hy God is?—Johannes 7:28, 29; 14:6.

10. Baie mense het Jesus gesien, maar het enigiemand God al ooit gesien?—Johannes 1:18; 6:46.

11. Het Jesus gesê dat hy die ‘Seun van God’ is of dat hy ‘God die Seun’ is?—Johannes 10:36; 1 Johannes 4:15; 5:5, 13.

12. Het Jesus ooit gesê dat hy aan die Vader gelyk is?—Johannes 14:28; 20:17.

13. Is die woorde “Ek en die Vader is een” bewys van ’n Drie-eenheid?—Johannes 10:30; 17:21; Mattheüs 24:36.

14. Hoe het die vroeë dissipels Jesus beskou?—Johannes 1:29, 34, 42, 50; 6:69; 1 Korinthiërs 11:3.

15. Hoe het God Jesus beskou?—Markus 9:7; Lukas 2:9-11.

16. Weerspreek die Griekse Geskrifte (“Nuwe Testament”) die Hebreeuse Geskrifte aangaande die feit dat die heilige gees God se werkende krag is?—Mattheüs 3:11; Lukas 1:41; Johannes 14:26; Handelinge 1:8; 4:31; 10:38.

17. Waar was die Vader, die Seun en die heilige gees toe Jesus gedoop is? Was hulle drie in een?—Mattheüs 3:16, 17.

18. Watter posisie beklee die verrese Jesus in die hemele?—Handelinge 7:55, 56; Romeine 8:34; Kolossense 3:1; Hebreërs 12:2.

19. Wie het aan Jesus hierdie verhewe posisie gegee?—Filippense 2:9-11.

20. Beteken dit dat Jesus God is of dat hy naas God die hoogste posisie in die heelal beklee?—1 Korinthiërs 11:3; Filippense 2:9-11.

21. Wie is die Allerhoogste Soewerein van die Heelal?—Deuteronomium 3:24, vgl. NW; Handelinge 4:24-27; 1 Korinthiërs 15:28.

Het jy al ooit gewonder? Die Bybel se antwoorde

“Nadat Jesus gedoop was, het Hy dadelik uit die water opgeklim, en meteens gaan die hemele vir Hom oop, en Hy sien die Gees van God soos ’n duif neerdaal en op Hom kom. En daar kom ’n stem uit die hemele wat sê: Dit is my geliefde Seun in wie Ek ’n welbehae het.”—Mattheüs 3:16, 17.

Hier volg ’n paar van die tekste wat die vrae op bladsy 11 beantwoord:

1. The Encyclopedia of Religion erken: “Hedendaagse teoloë is dit eens dat die Hebreeuse Bybel nie ’n Drie-eenheidsleer bevat nie.” Die New Catholic Encyclopedia sê ook: “Die leerstelling oor die Heilige Drie-eenheid word nie in die O[u] T[estament] geleer nie.”

2. “Hoor, Israel, die HERE onse God is ’n enige HERE” (Deuteronomium 6:4). “Die HERE sal Koning wees oor die hele aarde; in dié dag sal die HERE een wees, en sy Naam een.”—Sagaria 14:9.

3. “Die Gees van die HERE het oor [Simson] vaardig geword, en die toue wat aan sy arms was, het geword soos linnedrade wat in die vuur brand, en sy bande het versmelt van sy hande af” (Rigters 15:14). “Dit is die woord van die HERE aan Serubbabel, naamlik: Nie deur krag of deur geweld nie, maar deur my Gees, sê die HERE van die leërskare.”—Sagaria 4:6.

4. “Die Gees van die HERE het oor [Simson] vaardig geword; en hy het dit verskeur soos ’n mens ’n bokkie verskeur sonder dat daar iets in sy hand was” (Rigters 14:6). “Ek sal my Gees op jou kroos giet en my seën op jou nakomelinge.”—Jesaja 44:3.

5. “Nou moet jy weet en verstaan: van die uitgang van die woord af om Jerusalem te herstel en op te bou tot op ’n Gesalfde, ’n Vors, is sewe sewetalle; en twee-en-sestig sewetalle. . . . En ná die twee-en-sestig sewetalle sal ’n Gesalfde uitgeroei word, maar sonder iets vir Hom.”—Daniël 9:25, 26.

6. “So sê die HERE, wat die hemele geskape het—Hy is God!—wat die aarde geformeer en dit gemaak het—Hy het dit bevestig; Hy het dit nie geskape om woes te wees nie, maar dit geformeer om bewoon te word—Ek is die HERE, en daar is geen ander nie.”—Jesaja 45:18.

7. “Dink aan die dinge wat tevore was, van ouds af, dat Ek God is, en daar is geen ander nie; Ek is God, en daar is niemand soos Ek nie.”—Jesaja 46:9.

8. “Ek kan uit Myself niks doen nie. Soos Ek hoor, oordeel Ek; en my oordeel is regverdig, omdat Ek nie my wil soek nie, maar die wil van die Vader wat My gestuur het” (Johannes 5:30). “As julle My liefgehad het, sou julle bly wees dat Ek gesê het: Ek gaan na my Vader, omdat my Vader groter is as Ek.”—Johannes 14:28.

9. “Tog het Ek nie uit myself gekom nie; maar Hy wat My gestuur het, is waaragtig, vir wie julle nie ken nie. Maar ek ken Hom, omdat Ek van Hom kom en Hy My gestuur het.”—Johannes 7:28, 29.

10. “Niemand het ooit God gesien nie; die eniggebore Seun wat in die boesem van die Vader is, dié het Hom verklaar” (Johannes 1:18). “Nie dat iemand die Vader gesien het nie, behalwe Hy wat van God kom: Hy het die Vader gesien.”—Johannes 6:46.

11. “Sê julle vir Hom wat die Vader geheilig en in die wêreld gestuur het: U spreek godslasterlik—omdat Ek gesê het: Ek is die Seun van God?”—Johannes 10:36.

12. “As julle My liefgehad het, sou julle bly wees dat Ek gesê het: Ek gaan na my Vader, omdat my Vader groter is as Ek.”—Johannes 14:28.

13. “Maar van dié dag en dié uur weet niemand nie, ook die engele van die hemele nie, maar net my Vader alleen” (Mattheüs 24:36). “Dat almal [Jesus se volgelinge] een mag wees net soos U, Vader, in My en Ek in U; dat hulle [Jesus se volgelinge] ook in Ons een mag wees, sodat die wêreld kan glo dat U My gestuur het.”—Johannes 17:21.

14. “Dáár is die Lam van God wat die sonde van die wêreld wegneem!” (Johannes 1:29). “Ons het geglo en erken dat U die Christus is, die Seun van die lewende God.”—Johannes 6:69.

15. “Uit die wolk kom ’n stem wat sê: Dit is my geliefde Seun, luister na Hom!”—Markus 9:7.

16. “Julle sal krag ontvang wanneer die Heilige Gees oor julle kom” (Handelinge 1:8). ‘God het Jesus gesalf met die Heilige Gees en met krag.’—Handelinge 10:38.

17. Sien prent, links, en teks hierbo asook op bladsy 12.

18. “Die oog gevestig op Jesus, die Leidsman en Voleinder van die geloof, wat vir die vreugde wat Hom voorgehou is, die [folterpaal] verdra het, die skande verag het en aan die regterkant van die troon van God gaan sit het.”—Hebreërs 12:2, vgl. NW.

19. “Daarom het God Hom ook uitermate verhoog en Hom ’n naam gegee wat bo elke naam is.”—Filippense 2:9.

20. ‘Christus is die hoof van elke man, en die man die hoof van die vrou, en God die hoof van Christus.’—1 Korinthiërs 11:3.

21. “[O Soewereine Heer Jehovah,] watter God is daar in die hemel en op die aarde wat sulke werke en sulke magtige dade kan doen soos U?” (Deuteronomium 3:24, vgl. NW). “Wanneer alles aan Hom [Jesus] onderwerp is, dan sal ook die Seun self Hom onderwerp aan die Een wat alles aan Hom onderwerp het, sodat God alles in almal kan wees.”—1 Korinthiërs 15:28.

[Voetnoot]

[Prent op bladsy 13]

Het God heilige gees op homself uitgestort?