Wagtoring – AANLYN BIBLIOTEEK
Wagtoring
AANLYN BIBLIOTEEK
Afrikaans
  • BYBEL
  • PUBLIKASIES
  • VERGADERINGE
  • g95 3/22 bl. 27
  • Geniet jou drawwery—Maar pas op vir die gevare!

Video nie beskikbaar nie.

Jammer, die video kon nie laai nie.

  • Geniet jou drawwery—Maar pas op vir die gevare!
  • Ontwaak!—1995
  • Soortgelyke materiaal
  • Van ons lesers
    Ontwaak!—1995
  • Kry jy genoeg oefening?
    Ontwaak!—2005
  • Die pyn wat nie meer daar sal wees nie
    Ontwaak!—1994
  • Sleutel 3—Bly aktief
    Ontwaak!—2011
Sien nog
Ontwaak!—1995
g95 3/22 bl. 27

Geniet jou drawwery—Maar pas op vir die gevare!

DIE 18-jarige het “langer en langer afstande [nodig gehad] om sy drang om te hardloop te bevredig”, berig die Duitse koerant Süddeutsche Zeitung. Om 2:00 vm. en weer om 6:00 vm. sal hy “24 kilometer [hardloop] voordat hy weer in die bed klim, rustig en tevrede”. Dit is hoegenaamd nie ’n unieke geval nie aangesien navorsingswetenskaplikes in verskeie lande tans met drawwers te doen kry wat aan endorfien verslaaf is. Hoe kan so ’n verslawing ontwikkel?

Navorsers het uitgevind dat endorfien met aanhoudende en langdurige liggaamlike inspanning in spiersenuwees gevorm word. Die endorfiene is endogenuese (binneliggaamse) opiate wat ’n gevoel van euforie veroorsaak—wat fanatieke drawwers soms ‘hoog’ laat voel. Wildor Hollmann, voorsitter van ’n internasionale vereniging wat sportmedisyne bestudeer, sê: “Of hierdie morfienderivate tot verslawing kan lei of nie was ’n geruime tyd lank ietwat van ’n geskilpunt. Nou is dit ’n bewese feit.” Gevolglik is daar blykbaar ’n inherente gevaar daaraan verbonde om uiters lang afstande te hardloop of te draf, en dit geld natuurlik vir enige ander vorm van uiterste inspanning.

Hou hoëprestasie-sportbedrywighede dalk enige ander gesondheidsgevaar in? Ja. Jy onthou moontlik die verhaal van die Griekse boodskapper wat sowat 2 500 jaar gelede van Maraton na Atene gehardloop het. Volgens die legende het hy inmekaargesak en onmiddellik gesterf nadat hy nuus na Atene gebring het van die Grieke se oorwinning oor die Perse. Volgens navorsers is hierdie verhaal ’n voorbeeld van endorfiene in die spiere. Hulle sê dat lang periodes van veeleisende bedrywigheid tot die dood kan lei weens ’n skielike hartstilstand, omdat endorfiene die gewaarwording van pyn verlaag. Onder normale omstandighede laat hewige borspyne byvoorbeeld ’n hardloper ophou hardloop, wat, volgens deskundiges, in die meeste gevalle die hart toelaat om sy gewone ritme te herstel. Maar gedurende uiterste liggaamlike inspanning verlaag endorfiene die gewaarwording van pyn en maak dit die seine wat deur die liggaam uitgestuur word onwaarneembaar vir die hardloper. Dit kan rampspoedige gevolge hê.

Daarenteen is gebalanseerde liggaamlike oefening heilsaam, en endorfiene wat gedurende sulke tye vrygestel word, het blykbaar ’n positiewe uitwerking. ’n Vrou wat gereeld gaan draf, verduidelik: “Ek het altyd medisyne gedrink, maar wanneer ek nou in ’n slegte bui is, gaan draf ek.” As ’n mens flink stap of draf, kan dit jou beslis help om van depressie ontslae te raak of om dit ten minste draagliker te maak. Endorfiene speel blykbaar ’n rol in sulke gevalle. Liggaamlike oefening raak gevaarlik slegs wanneer dit oordryf word.—Vergelyk 1 Timoteus 4:8.

    Afrikaanse publikasies (1975-2025)
    Meld af
    Meld aan
    • Afrikaans
    • Deel
    • Voorkeure
    • Copyright © 2025 Watch Tower Bible and Tract Society of Pennsylvania
    • Gebruiksvoorwaardes
    • Privaatheidsbeleid
    • Privaatheidsinstellings
    • JW.ORG
    • Meld aan
    Deel