“’n Finansiële slagting”

DEUR ONTWAAK!-MEDEWERKER IN NIGERIË

VOLGENS ’n verslag van UNICEF (Verenigde Nasies-kinderfonds) ondergaan Afrika suid van die Sahara “’n finansiële slagting”. Byna die helfte van die bevolking—ongeveer 220 miljoen mense—lewe in algehele armoede en kan nie in hulle mees basiese behoeftes voorsien nie. Die gemiddelde burger is 20 persent armer as wat hy of sy ’n dekade gelede was.

“Wat opvoeding betref”, sê die verslag, “kan die tagtigerjare net as ’n verlore dekade beskryf word.” Geld wat per leerling bestee word, het met een derde verminder, en inskrywings by laerskole het van 79 tot 67 persent gedaal. Gesondheidsorgdienste in baie Afrikalande word ook al hoe minder, met baie klinieke wat weens ’n tekort aan personeel en medisyne sluit.

Die verslag gee ’n lys van verskeie oorsake van die vasteland se ekonomiese krisis, onder meer militêre besteding, ’n afname in handel en enorme skuld, wat volgens deskundiges nooit terugbetaal kan word nie. “Afrika kan nie herstel”, sê die UNICEF-verslag, “sonder ’n internasionale poging op ’n skaal waaraan daar nog nie eers gedink is nie.”

Is daar ’n moontlikheid dat dit gaan gebeur? Die Bybel gee ’n realistiese antwoord: “Vertrou nie op prinse, op die mensekind, by wie geen heil is nie” (Psalm 146:3). Die oplossing van Afrika se diepgewortelde probleme hang nie van die regerings van die mens af nie. Dit is God se Koninkryk wat blywende verligting gaan bring—nie net vir Afrika nie, maar vir die hele wêreld.—Matteus 6:10.

[Foto-erkenning op bladsy 31]

WHO/OXFAM