Die oseaanapteek

Deur Ontwaak!-medewerker in Kanada

WAARUIT word natuurlike geneesmiddels verkry? Plante en kruie kom ongetwyfeld eerste by ons op. Maar in The Medical Post beskryf dr. Michael Allen geneesmiddels wat uit ’n baie ongewone bron verkry word—die oseaan.

Dit is natuurlik nie iets nuuts nie; die Chinese gebruik al eeue lank visekstrak om siektes te behandel. En lewertraan word lank reeds gebruik, iets waarvan talle ouer mense kan getuig. Tog weet mense maar min van die heelkrag van seelewe in vergelyking met wat hulle weet van dié van plante en kruie.

Nietemin is dit wat ontdek is fassinerend. ’n Chemikalie wat deur die blaasoppie vervaardig word, kan byvoorbeeld gebruik word om asma te behandel. Die aanwesigheid van nukleosiede in sponse het gelei tot die ontwikkeling van vidarabine, ’n viruswerende geneesmiddel. Uit bruin alge is stypoldione verkry, wat selverdeling keer en gebruik kan word om kanker te behandel. En dit is net ’n begin.

Die allerbeste genesing vir siekte kan egter nie in die oseaanapteek gevind word nie. Maar net God se Koninkryk kan die aangrypende profesie vervul: “Geen inwoners sal sê: Ek is siek nie.”—Jesaja 33:24.