Wagtoring – AANLYN BIBLIOTEEK
Wagtoring
AANLYN BIBLIOTEEK
Afrikaans
  • BYBEL
  • PUBLIKASIES
  • VERGADERINGE
  • g02 9/22 bl. 30
  • Van ons lesers

Video nie beskikbaar nie.

Jammer, die video kon nie laai nie.

  • Van ons lesers
  • Ontwaak!—2002
  • Soortgelyke materiaal
  • Kea—nar van die berge
    Ontwaak!—2002
  • Inhoudsopgawe
    Ontwaak!—2002
  • Van ons lesers
    Ontwaak!—2002
  • Ná die troue
    Die Wagtoring kondig Jehovah se Koninkryk aan—1984
Sien nog
Ontwaak!—2002
g02 9/22 bl. 30

Van ons lesers

Troudag Ek het die voorbladreeks “Die troudag—Maak dit ’n vreugdevolle begin” (8 Februarie 2002) baie waardeer. Aangesien ek nog jonk is, berei ek my verstandelik vir die huwelik voor. Hierdie artikels het my gehelp om te sien hoe ’n mens die voorbereidings kan tref sonder die spanning wat soveel jong paartjies ervaar, asook hoe om die huwelik gelukkig te hou. Julle moet asseblief nooit ophou om aandag te gee aan dié van ons wat ’n poging aanwend om toe te pas wat Jehovah van sy knegte vereis nie.

F. C., Italië

Dit verbaas my altyd hoe Jehovah leiding voorsien wanneer ek dit die nodigste het. Die Ontwaak! van 8 Februarie 2002 is geen uitsondering nie. Ek en my verloofde beplan al die afgelope paar maande ons troue, en die spanning het begin opbou. Die inleidende artikels het ons daaraan herinner dat hierdie maande van beplanning eintlik wonderlik is en dat angstigheid ’n mens net ongelukkig maak.

H. M., Australië

Bladsy 10 van julle voorbladreeks impliseer dat ’n man maar sy gesin kan verlaat as hy dink dat hy rede het om dit te doen. Ek en my vrou vind niks in die Bybel wat dit ondersteun nie. Trouens, dit lyk of die teenoorgestelde waar is—die vrou kan die man verlaat, maar nie andersom nie. Genesis 2:24 sê dat ’n man ‘sy vrou moet aankleef’. En 1 Korintiërs 7:11 sê: “As sy tog weggaan”, maar dan voeg die vers by, “’n man moet sy vrou nie verlaat nie”.

K. L., Australië

“Ontwaak!” antwoord: Genesis 2:24 moet in konteks gelees word. Die Goddelike bevel wat daar opgeteken staan, is nie gegee om as ’n riglyn te dien wanneer egpare uitmekaar wil gaan nie. Paulus se brief aan die Korintiërs toon duidelik dat Jehovah groot waarde heg aan die huwelik en dat ’n egpaar alles in hulle vermoë moet doen om hulle huwelik te bewaar. Maar Paulus het blykbaar nie bedoel om twee standaarde—een vir die vrou en ’n ander vir die man—te voorsien nie. Verse 10 en 11 spoor die man sowel as die vrou aan om, indien dit hoegenaamd moontlik is, nie weg te gaan nie. Dit is dus redelik om te verwag dat wat op die vrou van toepassing is, ook op die man van toepassing sal wees.

Kea Ek het dit so geniet om die artikel “Kea—nar van die berge” (8 Februarie 2002) te lees, dat ek hardop gelag het. Dit toon duidelik dat Jehovah ’n gelukkige God is! Net ’n waarlik liefdevolle Skepper sou iets maak wat soveel plesier aan die mensdom verskaf. Ek sien uit na die dag wanneer ek persoonlik met daardie eienaardige voël, die kea, kan kennis maak. Baie dankie vir hierdie artikel asook vir al die ander interessante en geloofversterkende artikels wat julle skryf.

R. R., Duitsland

Kort ná my man my verlaat het, het ek die Ontwaak! van 8 Februarie 2002 ontvang. Die voorblad oor die troudag was vir my baie ontstellend. Ek het gewonder: ‘Waarom kon ek en my man nie so gelukkig wees soos die paartjie op die voorblad nie?’ Maar toe ek die artikel oor die kea in dieselfde tydskrif gelees het, het ek hardop gelag. Ek het nie geweet dat daar so ’n oulike voël is nie! Dit het my opgebeur. Dit was asof Jehovah my aanmoedig en sê: “Geniet die lewe!” Baie dankie.

M. Y., Japan

    Afrikaanse publikasies (1975-2025)
    Meld af
    Meld aan
    • Afrikaans
    • Deel
    • Voorkeure
    • Copyright © 2025 Watch Tower Bible and Tract Society of Pennsylvania
    • Gebruiksvoorwaardes
    • Privaatheidsbeleid
    • Privaatheidsinstellings
    • JW.ORG
    • Meld aan
    Deel