“Vroue verdien respek”

’n Sewentienjarige kollegestudent in Indië het aan ’n redenaarskompetisie deelgeneem wat deur haar skool gereël is. Sy het besluit om die voorbladreeks “Vroue verdien respek” in die Ontwaak! van 8 Julie 1992 as haar bronnemateriaal te gebruik.

Die tema van haar toespraak was: “Vroue—Word hulle vandag gerespekteer?” Hoe het sy gevaar? “Ek het die eerste prys in die kompetisie gewen”, sê sy. “Ek wil graag my diepe waardering vir Ontwaak! uitspreek”, gaan sy voort. “Dit is baie nuttig vir jongmense soos ons, want dit hou ons goed ingelig en op hoogte van sake. Dit help ons ook om die druk van hierdie wêreld die hoof te bied.”

Het jy dit geniet om hierdie Ontwaak! te lees? Dit is geskryf om die hele gesin in te lig, nie net jongmense nie. Hierdie tydskrif delf dieper as die oppervlak en wys op die ware betekenis van aktuele gebeure. Dit word halfmaandeliks in Afrikaans uitgegee. Moenie een uitgawe misloop nie!