Het hulle werklik so lank gelewe?
Volgens die Bybel het Adam 930 jaar, Set 912 jaar en Metusalag 969 jaar gelewe—net 31 jaar minder as ’n duisend! (Genesis 5:5, 8, 27). Was daardie jare so lank soos ons s’n vandag, of was dit korter tydperke, moontlik gelykstaande aan ons maande, soos party al aangevoer het?
Die interne bewyse in die Bybel dui op letterlike jare wat byna so lank soos ons s’n was. Dink hieraan: As ’n jaar in die ou tyd net so lank soos ons maand was, sou die volgende mans vaders geword het toe hulle nog heeltemal te jonk was daarvoor: Kenan voordat hy ses jaar oud was, en Mahalalel en Henog toe hulle net ’n bietjie ouer as vyf jaar oud was.—Genesis 5:12, 15, 21.
Daarbenewens het mense in die ou tyd ’n onderskeid getref tussen dae, maande en jare (Genesis 1:14-16; 8:13). Trouens, Noag se gedetailleerde chronologie help ons om die lengte van ’n maand vas te stel. ’n Vergelyking van Genesis 7:11, 24 en Genesis 8:3, 4 toon dat vyf maande—van die 17de dag van die tweede maand tot die 17de dag van die sewende maand—gelyk was aan 150 dae. Noag het dus blykbaar ’n maand van 30 dae gebruik, en 12 maande was gelyk aan ’n jaar.—Genesis 8:5-13.a
Maar hoe kon mense 900 jaar of langer lewe? Die Bybel sê vir ons dat God mense gemaak het om vir ewig te lewe en dat Adam se sonde onvolmaaktheid en die dood oor die mensegesin gebring het (Genesis 2:17; 3:17-19; Romeine 5:12). Diegene wat voor die Vloed gelewe het, was baie nader aan volmaaktheid as wat ons vandag is, en dit het ongetwyfeld daartoe bygedra dat hulle so lank gelewe het. Metusalag was byvoorbeeld net die sewende geslag van Adam af.—Lukas 3:37, 38.
Maar Jehovah God gaan binnekort elke spoor van Adamitiese sonde verwyder uit almal wat geloof beoefen in die vergote bloed van sy Seun, Jesus Christus. “Die loon wat die sonde betaal, is die dood, maar die gawe wat God gee, is die ewige lewe deur Christus Jesus, ons Here” (Romeine 6:23). Ja, die tyd gaan aanbreek wanneer Metusalag se 969 jaar maar bitter kort sal lyk!
[Voetnoot]
a Sien Insight on the Scriptures, Deel 2, bladsy 1214, uitgegee deur Jehovah se Getuies.
[Grafiek op bladsy 30]
(Sien publikasie vir oorspronklike teksuitleg)
1000
Metusalag
Adam
Set
900
800
700
600
500
400
300
200
100
Die gemiddelde mens van vandag