4. Is ons gemaak om swaar te kry?

Hoekom dit saak maak

Die antwoord op hierdie vraag beïnvloed hoe jy na die lewe kyk.

Iets om oor te dink

Hoekom sou ’n God wat sulke pragtige dinge gemaak het, toelaat dat ons so swaarkry?

Mense wat nie godsdienstig is nie, sien swaarkry as ’n rede om God se motiewe te bevraagteken. Hulle sien dit selfs as ’n rede om te twyfel dat hy bestaan. Hulle glo dat swaarkry wys dat (1) God magteloos is om dit te stop, (2) God dit nie wil stop nie of (3) God nie bestaan nie.

Is dit regtig die redes hoekom mense swaarkry?

Wat die Bybel sê

God het ons nie gemaak om swaar te kry nie.

Hy wil hê dat ons die lewe moet geniet.

‘Daar is vir mense niks beters as om bly te wees en om goed te doen in hulle lewe nie, en ook dat elkeen moet eet en drink en al sy harde werk moet geniet. Dit is die gawe van God.’ – PREDIKER 3:12, 13.

God het die eerste twee mense ’n volmaakte begin gegee.

Hy het nie hulle of hulle nakomelinge gemaak om swaar te kry nie.

“God het vir hulle gesê: ‘Wees vrugbaar en word baie, vul die aarde en bewerk dit.’” – GENESIS 1:28.

Die eerste twee mense het gekies om ongehoorsaam te wees aan God.

Daarom is dit hulle eie skuld dat hulle en al hulle nakomelinge swaarkry.

“Sonde het . . . deur een mens in die wêreld ingekom en die dood deur die sonde, en die dood het so na alle mense versprei omdat hulle almal gesondig het.” – ROMEINE 5:12.a

God het ons nie gemaak om onafhanklik van hom te lewe nie.

Net soos dit onmoontlik vir mense is om onder water te lewe, is dit onmoontlik vir hulle om oor hulleself te regeer.

“Dit behoort nie aan die mens wat loop om sy voetstappe te rig nie.” – JEREMIA 10:23.

God wil nie hê dat ons moet swaarkry nie.

Hy wil hê dat ons so ver as moontlik probleme moet vermy.

“As jy maar net aan my gebooie aandag sal skenk! Dan sal jou vrede net soos ’n rivier word.” – JESAJA 48:18.