Voorouerverering

Definisie: Die gebruik om afgestorwe voorouers (seremonieel of andersins) te eer en te vereer omdat daar geglo word dat hulle ’n bewuste bestaan in ’n onsigbare ryk voer en die lewendes kan help of benadeel en dus gepaai moet word. Nie ’n Bybelleerstelling nie.

Is afgestorwe voorouers bewus van wat die lewendes doen, en kan hierdie voorouers lewende persone help?

Pred. 9:5: “Die lewendes weet dat hulle moet sterwe, maar die dooies weet glad niks nie.”

Job 14:10, 21: “’n Mens blaas die asem uit en—waar is hy? . . . Sy kinders kom in eer, maar hy word dit nie gewaar nie.”

Ps. 49:11, 18-20, NAV: “Wyse mense sterwe net soos dwase en sotte, en laat hulle besittings aan ander na. . . . Want as hulle sterf, neem hulle niks saam nie; hulle besittings sal hulle nie volg nie. . . . Soos sy voorvaders sal ook hy moet sterwe en hy sal die lig nooit weer sien nie.”

Is dit nie waar dat voedsel wat op ’n altaar of graf geplaas word, onaangeraak bly nie? Toon dit nie dat die dode nie daarby kan baat vind nie?

Kyk ook onder “Spiritisme”.

Bestaan daar rede om te vrees dat ons afgestorwe voorouers ons kwaad sal aandoen?

Pred. 9:5, 6: “Maar die dooies . . . hulle liefde sowel as hulle haat, ook hulle naywer, het lankal verdwyn, en hulle het vir ewig geen deel meer aan alles wat gebeur onder die son nie.”

Het ’n mens ’n geestelike deel wat ná die dood van die liggaam voortleef?

Eseg. 18:4: “Kyk, al die siele is myne; soos die siel van die vader, so die siel van die seun—hulle is myne; die siel wat sondig, dié moet sterwe.” (Ook vers 20)

Ps. 146:3, 4: “Vertrou nie op prinse, op die mensekind . . . nie. Sy gees gaan uit, hy keer terug na sy aarde toe; op daardie dag is dit met sy planne gedaan.”

Wetenskaplikes en chirurge het geen bewys gevind van enige bewuste, lewende deel van mense wat voortleef wanneer die liggaam sterf nie.

Kyk ook bladsye 86-88, onder “Dood”.

Sou jy verkies dat jou kinders en kleinkinders eerbied en liefde aan jou bewys terwyl jy lewe of dat hulle ritusse by jou graf uitvoer nadat jy oorlede is?

Ef. 6:2, 3: “Eer jou vader en jou moeder—dit is die eerste gebod met ’n belofte—sodat dit met jou goed mag gaan en jy lank mag lewe op die aarde.” (Kinders wat in Bybelbeginsels onderrig is, toon sulke eer wat hulle ouers se harte verbly terwyl hulle ouers nog lewe.)

Spr. 23:22: “Luister na jou vader wat jou verwek het, en verag jou moeder nie as sy oud geword het nie.”

1 Tim. 5:4: “As ’n weduwee kinders of kleinkinders het, laat hulle eers leer om teenoor hulle eie huis eerbied te betoon en vergelding te doen aan hulle ouers; want dit is goed en aangenaam voor God.”

Waar kom die boodskappe in werklikheid vandaan wanneer mediums beweer dat hulle boodskappe van die dode oordra?

Jes. 8:19: “As hulle vir julle sê: Raadpleeg die geeste van afgestorwenes en die geeste wat waarsê, wat piep en mompel—moet ’n volk nie sy God raadpleeg nie; moet vir die lewendes die dooies gevra word?” (Sou God ons teen so ’n gebruik waarsku as dit ons werklik met ons dierbares in aanraking gebring het?)

Hand. 16:16: “Terwyl ons op pad was na die bidplek, kom ’n slavin met ’n waarsêende gees [“demon”, NW] ons teë, wat vir haar eienaars deur waarsêery groot wins ingebring het.”

Kyk ook bladsye 387-389, onder “Spiritisme”.

Wie moet ons aanbid?

Luk. 4:8: “Jesus antwoord en sê vir hom: . . . Daar is geskrywe: Die Here jou God moet jy aanbid en Hom alleen dien.”

Joh. 4:23, 24: “Daar kom ’n uur, en dit is nou, wanneer die ware aanbidders die Vader in gees en waarheid sal aanbid; want die Vader soek ook mense wat Hom só aanbid. God is Gees; en die wat Hom aanbid, moet in gees en waarheid aanbid.”

Watter hoop bestaan daar dat gesinslede, die wat gesterf het inkluis, in die toekoms verenig sal word?

Joh. 5:28, 29: “Moenie julle hieroor verwonder nie. Want daar kom ’n uur wanneer almal wat in die grafte is, sy stem sal hoor en sal uitgaan, die wat goed gedoen het, tot die opstanding van die lewe, en die wat kwaad gedoen het, tot die opstanding van die veroordeling.”