Rolmodel—Lidia

Al is sy ’n nuwe gelowige, neem Lidia die inisiatief om gasvryheid aan Paulus en sy metgeselle te betoon (Handelinge 16:14, 15). Sy het dus die voorreg om die geselskap van daardie dissipels te geniet. Waarheen gaan Paulus en Silas nadat hulle uit die tronk vrygelaat is? Reguit terug na Lidia se huis toe!—Handelinge 16:40.

Kan jy, soos Lidia, die inisiatief neem om ander te leer ken? Hoe kan jy dit doen? Begin klein. Probeer met een persoon op ’n slag praat. Jy kan probeer om elke keer wanneer jy ’n Christelike vergadering bywoon, met een persoon ’n gesprek aan te knoop. Probeer glimlag. As jy nie weet wat om te sê nie, vra vrae of vertel iets van jouself. Wees ’n goeie luisteraar. Mettertyd sal jy dalk meer wil sê. Mense reageer dikwels goed op opregte woorde wat vriendelik en aangenaam is (Spreuke 16:24). Omdat Lidia ’n vriendelike en gasvrye geaardheid gehad het, is sy geseën met goeie vriende. As jy haar voorbeeld navolg, sal jy ook goeie vriende maak!