Die vrede wat ons besit

1. Loof die God wat vrede gee,

hy laat reg geskied.

Hy beëindig oorlogsweë,

hartseer en verdriet.

Ja, sy Seun sal vrede bring

as die Vredevors,

Dan sal dié van vreugde sing

wat na vrede dors.

2. Haat betaam geen kneg van God;

dit sal vrede skend.

Spies en swaard dié smee ons tot

vredesimplement.

As ons vrede wil bewaar,

moet ons bly vergeef.

Liefde word geopenbaar

as ons vreedsaam leef.

3. God se gees bring vrede voort

in dié wat hom dien.

Wysheid wat aan God behoort,

word daarin gesien.

Wil ons ons weg aanbeveel,

moet ons vreedsaam bly.

So verkry ons ook ’n deel

in wat God berei.