Lied 99
Loof die aarde se nuwe koning
1. Uit elke nasie, volk en taal
word mense nou vergader.
Die Christus en sy troue slaaf
leer hul om God te nader.
Gods Koninkryk is opgerig;
dit sal die lyding hier verlig.
Verlossing van sonde is in sig.
Alle dank aan God, ons Vader.
(REFREIN)
Loof ons God, Jehovah,
loof sy Seun, die Christus;
Hul het die losprys vir ons voorsien.
Nou’s ons hoop om op die aarde te leef
en ewig ons God te dien!
2. Verwelkom nou die Seun van God
met vreugde en verblyding.
Die Vredevors doen God se wil,
hy bring vir ons bevryding.
Ons sien uit na die Paradys
waar selfs die dooies sal verrys.
Met oë gevestig op die prys,
preek ons van die blye tyding.
(REFREIN)
Loof ons God, Jehovah,
loof sy Seun, die Christus;
Hul het die losprys vir ons voorsien.
Nou’s ons hoop om op die aarde te leef
en ewig ons God te dien!