Rolmodel—Jakob

Jakob en sy broer, Esau, het jare laas met mekaar gepraat. Om die waarheid te sê, Esau haat Jakob. Al het Jakob niks verkeerds gedoen nie, is hy die een wat die inisiatief neem om die probleem tussen hulle op te los. Hy maak toegewings. Sy doel is nie om ’n argument te wen nie, maar om sy broer se liefde te wen. Jakob gee nie sy beginsels prys nie, maar hy dring ook nie daarop aan dat sy broer hom eers om verskoning moet vra voordat hy met hom vrede maak nie.—Genesis 25:27-34; 27:30-41; 32:3-22; 33:1-9.

Hoe hanteer jy meningsverskille met jou gesinslede? Soms voel jy miskien dat jy eenvoudig reg is en dat jou broer, suster of ouer eenvoudig verkeerd is. Wag jy in sulke situasies vir die ander persoon om die inisiatief te neem? Of kan jy soos Jakob wees? Sal jy, wanneer daar geen Bybelbeginsels betrokke is nie, bereid wees om ter wille van die vrede toegewings te maak? (1 Petrus 3:8, 9). Jakob het nie toegelaat dat trots sy familie verdeel nie. Hy het hom verneder en het sy verhouding met sy broer herstel. Sal jy dieselfde met jou gesinslede doen?