Selfs voëls ‘ken hul bepaalde tye’

’N BETREURENSWAARDIGE toedrag van sake het in Jeremia se tyd onder die Israeliete bestaan. Hulle optrede het sleg vergelyk met dié van trekvoëls. Ons lees: “Selfs ’n groot sprinkaanvoël aan die hemel ken sy bepaalde tye, en ’n tortelduif en ’n swaweltjie en ’n kraanvoël neem die tyd van hulle koms in ag; maar my volk ken die reg van die HERE nie.”—Jer. 8:7.

Hoewel trekvoëls soos die sprinkaanvoël, tortelduif, swaweltjie en kraanvoël die tyd van hulle koms en vertrek waarneem, het die Israeliete geen agting vir die oordeel van Jehovah getoon nie. In die geval van trekvoëls is hulle koms en vertrek noodsaaklik vir lewe. Israel se welsyn en voorspoed het eweneens afgehang van onderworpenheid aan Jehovah se oordeel. Maar die Israeliete het hulle nie daaraan onderwerp nie en dus nie eens die goeie oordeel getoon wat kenmerkend is van redelose voëls wat die tyd van hulle trekvlugte waarneem nie.