Wagtoring – AANLYN BIBLIOTEEK
Wagtoring
AANLYN BIBLIOTEEK
Afrikaans
  • BYBEL
  • PUBLIKASIES
  • VERGADERINGE
  • w87 11/15 bl. 29
  • Vrae van lesers

Video nie beskikbaar nie.

Jammer, die video kon nie laai nie.

  • Vrae van lesers
  • Die Wagtoring kondig Jehovah se Koninkryk aan—1987
  • Soortgelyke materiaal
  • Jehovah se krag word deur menslike swakheid groot gemaak
    Die Wagtoring kondig Jehovah se Koninkryk aan—1997
  • 2 Korintiërs 12:9 – “My genade is vir jou genoeg”
    Verduidelikings van Bybelverse
  • Hoe om “’n doring in die vlees” te verduur
    Die Wagtoring kondig Jehovah se Koninkryk aan—2002
  • Het jy “’n doring in die vlees”?
    Ons Koninkryksbediening—1998
Sien nog
Die Wagtoring kondig Jehovah se Koninkryk aan—1987
w87 11/15 bl. 29

Vrae van lesers

◼ Het Paulus van Jehovah of Jesus gepraat toe hy geskryf het: ‘Die Here het vir my gesê: “My krag word in swakheid volbring”’?

Paulus het skynbaar van die Here Jehovah gepraat. As ons Paulus se woorde in konteks beskou, kan ons nie net sien waarom dit die geval is nie, maar kan ons ook ons waardering vir die verhouding tussen God en sy Seun versterk. Paulus het geskryf:

“Dat ek my . . . nie sou verhef nie, is my ’n doring in die vlees gegee, ’n engel van die Satan, om my met die vuis te slaan, dat ek my nie sou verhef nie. Hieroor het ek die Here drie maal gebid, dat hy van my sou wyk. En Hy het vir my gesê: My genade is vir jou genoeg, want my krag word in swakheid volbring. Baie liewer sal ek dus in my swakhede roem, sodat die krag van Christus in my kan woon.”—2 Korinthiërs 12:7-9.

Die doring in Paulus se vlees kon die een of ander oogkwaal of valse apostels gewees het wat sy apostelskap betwis het (Galasiërs 4:15; 6:11; 2 Korinthiërs 11:5, 12-15). Wat dit ook al was, dit het Paulus ontmoedig of hom daarvan weerhou om hom oor sy bediening te verheug. Hy het dus drie maal gevra dat dit van hom weggeneem moet word. Maar vir wie het hy gevra en wie het hom geantwoord deur van “my krag” te praat?

Aangesien die passasie “die krag van Christus” meld, lyk dit dalk asof Paulus die Here Jesus gevra het. Hy het ongetwyfeld krag en kan dit vir sy dissipels gee (Markus 5:30; 13:26; 1 Timotheüs 1:12). Trouens, die Seun van God “hou alle dinge in stand deur die woord van sy krag”.—Hebreërs 1:3, NW; Kolossense 1:17, 29.

Maar die Here God is die hoofbron van krag, en hy kan dit vir sy aanbidders gee, en doen dit ook (Psalm 147:5; Jesaja 40:26, 29-31). Sulke krag van God het Jesus in staat gestel om wonderwerke te verrig en sal hom nog in staat stel om op te tree (Lukas 5:17, NW; Handelinge 10:38). Jesus se apostels en ander dissipels het eweneens krag van Jehovah ontvang (Lukas 24:49; Efesiërs 3:14-16; 2 Timotheüs 1:7, 8). Dit het Paulus ingesluit, wat gedien het “volgens die gawe van die genade van God wat aan die apostel gegee is ooreenkomstig die werking van sy krag”.—Efesiërs 3:7.

Aangesien Paulus gevra het dat die ‘doring in die vlees, ’n engel van die Satan’, van hom af weggeneem moet word, is dit logies dat hy die Here God sou vra om dit te doen, omdat Jehovah die een is tot wie gebede gerig word (Filippense 4:6; Psalm 145:18). Buitendien sien Jehovah se bemoedigende woorde aan Paulus: “My krag word in swakheid volbring”, Christus nie oor die hoof nie. Krag van die Here God kan beskryf word as “die krag van die Christus wat soos ’n tent” (NW) oor Paulus was, want ‘Christus is die krag van God en die wysheid van God’ (1 Korinthiërs 1:24). Tweede Korinthiërs 12:7-9 help ons dus om meer waardering te hê vir die vername manier waarop Jehovah sy Seun in die uitvoering van die goddelike wil gebruik.

    Afrikaanse publikasies (1975-2025)
    Meld af
    Meld aan
    • Afrikaans
    • Deel
    • Voorkeure
    • Copyright © 2025 Watch Tower Bible and Tract Society of Pennsylvania
    • Gebruiksvoorwaardes
    • Privaatheidsbeleid
    • Privaatheidsinstellings
    • JW.ORG
    • Meld aan
    Deel