Wagtoring – AANLYN BIBLIOTEEK
Wagtoring
AANLYN BIBLIOTEEK
Afrikaans
  • BYBEL
  • PUBLIKASIES
  • VERGADERINGE
  • w96 4/15 bl. 30
  • Onthou jy?

Video nie beskikbaar nie.

Jammer, die video kon nie laai nie.

  • Onthou jy?
  • Die Wagtoring kondig Jehovah se Koninkryk aan—1996
  • Soortgelyke materiaal
  • Bied die uitdaging van lojaliteit die hoof
    Die Wagtoring kondig Jehovah se Koninkryk aan—1996
  • Opvoeding—Gebruik dit om Jehovah te loof
    Die Wagtoring kondig Jehovah se Koninkryk aan—1996
  • “U alleen is lojaal”
    Kom nader aan Jehovah
  • Aanskou die lojales!
    Die Wagtoring kondig Jehovah se Koninkryk aan—1996
Sien nog
Die Wagtoring kondig Jehovah se Koninkryk aan—1996
w96 4/15 bl. 30

Onthou jy?

Was die onlangse nommers van Die Wagtoring van enige praktiese waarde vir jou? Toets dan gerus jou geheue met die volgende vrae:

◻ Watter les kan ons uit die val van die Ammoniete leer? (Sefanja 2:9, 10).

Jehovah neem nie die vergelding van sy goedhartigheid met vyandigheid ligtelik op nie, en op sy bestemde tyd sal hy weer optree, net soos hy in die ou tyd gedoen het. (Vergelyk Psalm 2:6-12.)—12/15, bladsy 10.

◻ Op watter maniere het Christene vrede?

Eerstens geniet hulle ‘vrede met God deur hulle Here Jesus Christus’ (Romeine 5:1). Tweedens geniet hulle vrede onder mekaar deur “die wysheid van bo” aan te kweek, wat “allereers kuis, dan vredeliewend” is (Jakobus 3:17).—1/1, bladsy 11.

◻ Wat is party van die dinge waarmee God se Woord vergelyk word, en hoe help dit ons?

God se Woord word vergelyk met voedsame melk, vaste voedsel, verkwikkende en reinigende water, ’n spieël asook ’n skerp swaard. As ’n bedienaar verstaan wat hierdie terme beteken, help dit hom om die Bybel op ’n bekwame wyse te gebruik.—1/1, bladsy 29.

◻ Wat moet ’n gebalanseerde sekulêre opvoeding ons help om te doen?

Om goed te lees, om duidelik te skryf, om verstandelik en sedelik te ontwikkel en om die praktiese opleiding te verkry wat vir die daaglikse lewe en vir doeltreffende heilige diens nodig is.—2/1, bladsy 10.

◻ Watter waardevolle les aangaande opvoeding kan ons by Jesus leer?

Opvoeding moet gebruik word, nie om onsself te verheerlik nie, maar om die grootste Opvoeder, Jehovah God, te loof (Johannes 7:18).—2/1, bladsy 10.

◻ Wat is die Koninkryk van God?

Die Koninkryk is ’n hemelse regering wat deur God opgerig is om sy wil te laat geskied, naamlik om die gevolge van sonde en die dood uit die weg te ruim en regverdige toestande op die aarde te herstel (Daniël 2:44; Openbaring 11:15; 12:10).—2/1, bladsy 16.

◻ Hoe voorsien die Bybel die opvoeding wat nodig is om geweld permanent te beëindig?

Deur sy Woord, die Bybel, leer Jehovah mense om vredeliewend en regverdig te wees (Jesaja 48:17, 18). God se Woord het die krag om ’n mens se hart te raak en jou denke en gedrag te verander (Hebreërs 4:12).—2/15, bladsy 6.

◻ In watter sin kan daar gesê word dat die profesie van Jesaja hoofstuk 35 drie vervullings het?

Jesaja se profesie het ’n eerste vervulling gehad toe die Jode in 537 v.G.J. uit Babiloniese gevangenskap teruggekeer het. Dit ondergaan vandag ’n verdere geestelike vervulling sedert die bevryding van geestelike Israel uit gevangenskap aan Babilon die Grote. En dit sal ’n derde vervulling hê wat verband hou met die Bybelse versekering van letterlike paradystoestande op aarde (Psalm 37:10, 11; Openbaring 21:4, 5).—2/15, bladsy 17.

◻ Hoe is God se persoonlike belangstelling in mense geopenbaar deur die wonderwerke wat sy Seun, Jesus, verrig het?

Aangesien Jesus “nie ’n enkele ding op eie inisiatief doen nie, maar net wat hy die Vader sien doen”, is sy medelye ’n treffende voorbeeld van Jehovah se besorgdheid oor elkeen van sy knegte (Johannes 5:19).—3/1, bladsy 5.

◻ Wat word deur Jesus se uitdrukking “gedenkgrafte” wat in Johannes 5:28, 29 gebruik word te kenne gegee?

Die Griekse woord mne·meiʹon (gedenkgraf) wat hier gebruik word, gee te kenne dat Jehovah die geskiedenis van die oorledene onthou, onder andere sy of haar oorgeërfde neigings en volle geheue. Dit verskaf afdoende bewys dat God vir mense as individue omgee!—3/1, bladsy 6.

◻ Watter waarskuwingsboodskap in die profesie van Sefanja voorsien ons van praktiese hulp?

Vandag is nie die tyd om toe te laat dat twyfelgedagtes in ons hart wortelskiet en om die koms van Jehovah se dag in ons verstand uit te stel nie. Ons moet ook teen die verswakkende uitwerking van onverskilligheid waak (Sefanja 1:12, 13; 3:8).—3/1, bladsy 17.

◻ Waarom bied lojaliteit teenoor God ’n uitdaging?

Omdat lojaliteit in stryd is met die selfsugtige neigings wat ons van ons ouers geërf het (Genesis 8:21; Romeine 7:19). Nog belangriker, Satan en sy demone is vasbeslote om ons dislojaal teenoor God te maak (Efesiërs 6:12; 1 Petrus 5:8).—3/15, bladsy 10.

◻ Op watter vier gebiede moet ons die uitdaging van lojaliteit die hoof bied, en wat sal ons help om dit te doen?

Die vier gebiede is lojaliteit teenoor Jehovah, teenoor sy organisasie, teenoor die gemeente en teenoor ons huweliksmaat. Een manier waarop ons gehelp word om hierdie uitdagings die hoof te bied, is as ons besef dat die uitdaging van lojaliteit met die regverdiging van Jehovah se soewereiniteit verband hou.—3/15, bladsy 20.

◻ Watter les kan ons uit Dawid se ondervinding leer toe hy die verbondsark na Jerusalem probeer terugbring het? (2 Samuel 6:2-7).

Dawid het die instruksies verontagsaam wat Jehovah oor die dra van die Ark gegee het, en dit het rampspoed tot gevolg gehad. Die les is dat ons nooit Jehovah moet blameer vir probleme wat ontstaan omdat ons sy duidelike instruksies verontagsaam nie (Spreuke 19:3).—4/1, bladsye 28, 29.

    Afrikaanse publikasies (1975-2025)
    Meld af
    Meld aan
    • Afrikaans
    • Deel
    • Voorkeure
    • Copyright © 2025 Watch Tower Bible and Tract Society of Pennsylvania
    • Gebruiksvoorwaardes
    • Privaatheidsbeleid
    • Privaatheidsinstellings
    • JW.ORG
    • Meld aan
    Deel