Jy sal dit beslis wil bywoon!
WAT bywoon? Die vinnig naderende “Boodskappers van Goddelike Vrede”-Streekbyeenkoms van Jehovah se Getuies! Die byeenkoms sal op die meeste plekke Vrydagoggend om 9:30 met musiek begin. Nadat jy na geloofversterkende onderhoude gedurende die deel “Hoor van ywerige verkondigers van vrede” geluister het, sal jy die bemoedigende toespraak “Wat vereis God van ons?” geniet.
’n Hoogtepunt op Vrydagmiddag se program sal die aangrypende programrede “Ons rol as boodskappers van Goddelike vrede” wees. Daarna sal die deel “Help ander om te leer wat God se vereistes is” ons wenke gee oor hoe om nuwelinge te onderrig. Dit sal deur die tydige simposium “Wees op julle hoede vir die verborge strikke van vermaak” gevolg word. Vrydag se program sal afsluit met die toesprake “Staan die Duiwel teë—Duld geen mededinging nie” en “Verdedig lojaal die integriteit van God se Woord”.
Saterdagoggend se program sal in die driedelige simposium “Boodskappers wat goeie nuus van vrede bring” die belangrikheid van die dissipelmaakwerk beklemtoon. Die sessie sal eindig met die toesprake “Blymoedige gewers in Jehovah se organisasie” en “Lewe en vrede deur toewyding en doop”, waarna daar ’n geleentheid vir nuwe dissipels sal wees om gedoop te word.
Saterdagmiddag se toespraak “Neem Jehovah se gedagtes oor sake in ag” sal vrae beantwoord soos ‘Neem Christene vandag aan ’n skeidingswerk deel?’ en ‘Wat is die Bybel se beskouing van die doodstraf?’ Jy sal ook die hartverblydende tweedelige simposium “Die God van vrede is besorg oor jou” en veral die slottoespraak “Streef Goddelike vrede in die gesinslewe na” geniet.
Sondagoggend se program sal die driedelige simposium “Identifiseer die regte soort boodskappers” en die toespraak “Luister na God se Woord en gehoorsaam dit” insluit. Die oggendprogram sal met ’n gekostumeerde drama eindig wat waardevolle lesse uit die Bybelverslag van die rigter Gideon onder ons aandag sal bring.
Sondagmiddag sal die laaste sessie van die byeenkoms die openbare toespraak met die titel “Uiteindelik ware vrede!—Uit watter bron?” insluit. Die byeenkoms sal uiteindelik met die motiverende toespraak “Gaan voort as boodskappers van Goddelike vrede” ten einde loop.
Beplan nou om die byeenkoms by te woon. As jy wil uitvind watter byeenkoms die naaste aan jou gaan wees, kan jy by die plaaslike Koninkryksaal van Jehovah se Getuies navraag doen of aan die uitgewers van hierdie tydskrif skryf.