Identifikasie van Koninkryksale
1 Elke Koninkryksaal behoort duidelik geïdentifiseer te word deur ’n gepaste uithangbord wat sê: “Koninkryksaal van Jehovah se Getuies.” Die uithangbord moet netjies, smaakvol en in ’n goeie toestand wees.
2 Waar gemeentes wat verskillende tale gebruik in dieselfde Koninkryksaal vergader, moet daar gewoonlik ’n Koninkryksaalteken in elke taal wees. Dit maak dit ongetwyfeld vir mense wat daardie tale praat makliker om ons plek van aanbidding te identifiseer. Die liggame van ouere manne van die betrokke gemeentes behoort reëlings te kan tref sodat gepaste Koninkryksaaltekens aangebring word in die tale van die gemeentes wat ’n spesifieke Koninkryksaal gebruik.—Filip. 2:4.
3 Waar dit prakties is, moet vergadertye ook aangebring word en dit moet altyd die regte tye verstrek. ’n Koninkryksaal wat deur meer as een taalgroep gebruik word, behoort ’n saamgestelde uithangbord te hê wat die vergadertye van elke taalgroep aangee.