Wees ’n hulppionier gedurende Desember
1 Ons almal behoort ons af te vra: ‘In watter mate sal ek gedurende Desember ’n ligdraer wees? Kan ek ’n hulppionier wees?’—Matt. 5:14, 16.
2 Gedoopte jongmense het gewoonlik meer tyd tot hulle beskikking gedurende die skoolvakansie. Party ouers en ander volwasse verkondigers kan dalk gedurende die maand saam met die jong verkondigers ’n groter deelname aan die velddiens hê. Baie wat voltyds werk, sal eweneens ’n bietjie meer tyd hê om aan hierdie lewensreddende bediening te wy.
3 Ons gewilligheid om die ekstra poging aan te wend wat vereis word, is ’n sleutelfaktor as ons as ’n hulppionier wil dien (Luk. 13:24). As ons ons bedrywighede goed organiseer, onder andere gesins- en gemeentelike sake, sal ons die tyd kan inruim om die vreugde van die hulppionierdiens te smaak.
4 Sal jy jou bediening gedurende Desember kan uitbrei? As jy dit doen, kan dit jou help om groter vrymoedigheid by die deure te hê en tot opbouende ondervindinge lei. Só kan jy groter geluk ondervind.—Hand. 20:35, NW.