Bevoordeel ander deur die tydskrifte te gebruik
1 Hoe bly is ons tog om die jongste nommers van Die Wagtoring en die Ontwaak! te ontvang. Ons waardeer die geleentheid om hulle so gou as moontlik te lees sodat ons by die informasie daarin baat kan vind. Buiten om na punte te soek wat ons persoonlik kan help, is dit ’n goeie idee om punte te soek wat ons kan gebruik wanneer ons die tydskrifte vir ander aanbied. Ons kan dalk dele merk wat veral by diegene in ons gemeente se gebied byval sal vind of selfs kantaantekeninge in ons eie eksemplaar maak om ons aan gesprekspunte te herinner en aan hoe die artikel plaaslik aangebied kan word.
2 Ons tydskrifte is van blywende waarde. Hoewel ons veral die jongste tydskrifte aanbied, is dit glad nie nodig om van ouer nommers ontslae te raak nie, aangesien die informasie self nie verouder nie. Hou ouer nommers in jou velddienssak sodat hulle byderhand is wanneer jy getuig. Hulle kan veral nuttig wees wanneer ’n spesifieke behoefte van die huisbewoner aan die lig kom. Ouer tydskrifte kan ook gedurende die ontoegekendegebied-kampanje gebruik word.