Teokratiese nuus

Suid-Afrika: Die eerste klas van die Bedieningsopleidingskool vir Suidelike Afrika wat in Lusaka, Zambië, gehou is, het op 19 Desember 1993 gegradueer! Ses studente uit Suid-Afrika het hierdie klas bygewoon. Nog klasse sal gedurende 1994 aangebied word en almal wat daarin belangstel om dit by te woon, moet tydens die volgende kringbyeenkoms met die streekopsiener praat.

Die 19 streekbyeenkomste wat vir Suid-Afrika en die buurlande gereël is, is deur altesaam 142 151 bygewoon en 2 659 is gedoop. Ons wil ons waardering uitspreek teenoor al julle broers vir die gasvrye wyse waarop julle die duisende afgevaardigdes ontvang het wat die vier internasionale byeenkomste bygewoon het. Baie van hierdie besoekende broers het hulle waardering daarvoor uitgespreek. Ons wil ook die Byeenkomskomitees en al die ander broers bedank wat so hard gewerk het om hierdie byeenkomste ’n sukses te maak.

Die gemeente in Sebotse, noord van Pietersburg, was bly om te sien dat hulle Koninkryksaal op 29 Januarie 1994 toegewy word.