Ons naaste moet die goeie nuus hoor
1 Dit is God se wil “dat alle soorte mense gered moet word en tot juiste kennis van die waarheid moet kom” (1 Tim. 2:4). “Alle soorte mense” sal elkeen van ons naaste insluit. As ons hulle met die goeie nuus wil bereik, moet ons aanbiedings aanpasbaar wees en moet ons besorg wees oor dít waarin elkeen wat ons ontmoet, belangstel (1 Kor. 9:19-23). Jehovah se organisasie het instrumente voorsien wat ons kan help om die harte te bereik van diegene wat “die regte gesindheid vir die ewige lewe” het (Hand. 13:48). Kom ons kyk hoe ons gedurende Julie en Augustus ’n verskeidenheid brosjures kan gebruik om die geestelike behoeftes van ons naaste te bevredig.
2 Brosjures wat ons kan aanbied: Hier volg ’n paar wenke wat dalk nuttig sal wees wanneer sekere brosjures aangebied word. Elke wenk bevat (1) ’n gedagteprikkelende vraag om die gesprek mee te begin, (2) ’n verwysing na waar gesprekspunte in die brosjure gevind kan word en (3) ’n gepaste teks wat ons gedurende die bespreking kan lees. Jy kan die res van die aanbieding in jou eie woorde doen, na gelang van die persoon se reaksie. By die meeste brosjures is daar ’n verwysing na ’n vorige nommer van Ons Koninkryksbediening waar jy vollediger aanbiedings vir die brosjure sal vind.
Gee God werklik vir ons om?
Watter hoop dink jy bestaan daar om mense te help wat lyding verduur het?—Bladsye 27-8, paragrawe 23-7; Jes. 65:17, 18; km-AF 7/97 bl. 4.
Wat is die doel van die lewe?—Hoe kan jy dit vind?
Waarom lyk dit of soveel mense vandag ontevrede met hulle lewe is?—Bladsye 29-30, paragrawe 2, 25-6; Ps. 145:16; km-AF 7/96 bl. 4.
Jy kan vir ewig op die aarde lewe!
Het jy al ooit gewonder wat Jesus Christus nou doen?—Prente 41-2; Op. 11:15; km-AF 8/96 bl. 8.
Die regering wat die Paradys gaan bring.
Wil jy graag meer weet oor die Koninkryk waarvoor Jesus ons leer bid het?—Bladsy 3; Matt. 6:9, 10; km-AF 8/96 bl. 8.
Wanneer ’n geliefde sterf.
Het jy al ooit gewonder hoe ’n mens iemand kan vertroos wat ’n geliefde aan die dood afgestaan het?—Bladsy 26, paragrawe 2-5; Joh. 5:28, 29; km-AF 7/97 bl. 4.
Moet jy aan die Drie-eenheid glo?
Is dit belangrik vir ons toekoms om die ware identiteit van God te verstaan?—Bladsy 3, paragrawe 3, 7-8; Joh. 17:3.
3 Ander brosjures: Die byvoegsel tot Ons Koninkryksbediening vir Februarie 1998 meld ander publikasies, waaronder brosjures, wat spesiaal saamgestel is om te gebruik wanneer ons vir Boeddhiste, Hindoes, Jode en Moslems getuig. Waar dit ook al gepas is, kan ons hierdie brosjures aanbied vir mense wat ons teëkom. Julle kan die wenke op bladsye 4-6 van daardie byvoegsel hersien, asook bladsye 21-4 in die Redenering-boek, en kort aanbiedings uitwerk wat hierdie mense se belangstelling kan wek.
4 ’n Ander brosjure is saamgestel om mense te help wat dalk geleerd is, maar min van die Bybel weet. Dit is bedoel om hulle die begeerte te laat ontwikkel om God se Woord te ondersoek. Waar gepas kan jy die volgende aanbied:
’n Boek vir alle mense.
Sal jy saamstem dat ’n goed afgeronde opvoeding kennis sal insluit van wat in die Bybel vervat word?—Bladsy 3, paragrawe 1-3, en bladsy 30, paragraaf 2; Pred. 12:9, 10.
5 Brosjure vir Bybelstudie: Ons doelwit in die bediening moet altyd wees om ’n Bybelstudie te begin, hetsy met die eerste besoek of tydens ’n daaropvolgende herbesoek. Met dié doel het ons die volgende brosjure waarmee ons maklik tuisbybelstudies kan begin en hou:
Wat vereis God van ons?
Het jy geweet dat jy in hoogstens 30 minute per week vir 16 weke ’n basiese begrip van die Bybel kan verkry?—Les 2, paragraaf 6; 2 Tim. 3:16, 17; km-AF 3/97 bl. 4.
6 In die illustrasie van die barmhartige Samaritaan het Jesus dit duidelik gemaak dat ’n mens waarlik iemand se naaste is, as jy liefde en goedhartigheid beoefen om diegene te help wat in nood verkeer (Luk. 10:27-37). Ons naaste verkeer in geestelike nood. Hulle móét die goeie nuus hoor. Laat ons die verantwoordelikheid aanvaar om hulle daarvan te vertel en sodoende toon dat ons ware dissipels van Jesus Christus is.—Matt. 24:14; Gal. 5:14.