Vraebus

◼ Wie moet ’n lapelkaartjie vir die streekbyeenkoms kry?

Lapelkaartjies vir die streekbyeenkoms kan baie nuttig wees om ons broers te identifiseer en om die byeenkoms te adverteer. Maar dit moenie voor die voet uitgedeel word nie. Dit identifiseer die draer as iemand wat ’n goeie naam het in ’n sekere gemeente van Jehovah se Getuies.

Die kaartjie het plek vir die naam van die persoon sowel as die naam van die gemeente. Die persoon sal dus in ’n redelike mate met die genoemde gemeente moet omgaan. Dit sal gepas wees vir elke gedoopte en ongedoopte verkondiger om ’n kaartjie te kry. Kinders en ander wat gereeld gemeentelike vergaderinge bywoon en binnekort aan velddiens sal mag deelneem, kan ook een kry. Dit sal nie gepas wees vir ’n uitgesette persoon om ’n lapelkaartjie vir die streekbyeenkoms te kry nie.

Wanneer die kaartjies beskikbaar gestel word, moet die ouer manne toesien dat hierdie riglyne gevolg word.