Aandag: Stadsopsieners

In Ons Koninkryksbediening vir Junie 1996 het daar ’n Vraebus verskyn wat hierdie vraag beantwoord het: “Hoe moet die inskrywing vir Jehovah se Getuies in die plaaslike telefoongids verskyn?” Die volgende riglyne is gegee: “In stede waar daar meer as een gemeente is, beveel ons die volgende aan: Jehovah’s Witnesses, (Stad of Dorp), gevolg deur ’n alfabetiese inskrywing wat die naam, Koninkryksaal se adres en telefoonnommer van elke plaaslike gemeente gee.”

Volgens verslae het ’n aantal gemeentes nie ’n inskrywing vir hulle Koninkryksaal nie, of die inskrywing is verkeerd. Dit het probleme veroorsaak, veral in groter stede waar daar ’n hele paar gemeentes is. Ons versoek stadsopsieners om die inisiatief te neem om al die inskrywings na te gaan wat plaaslik verskyn. In kleiner dorpe moet die presiderende opsiener hierdie riglyne deurvoer. As inskrywings verkeerd is of as daar glad nie inskrywings is nie, moet die stadsopsiener (of presiderende opsiener in kleiner dorpe) met die uitgewers van die telefoongids in aanraking kom om die inskrywings by te voeg of die nodige verbeteringe aan te bring, in ooreenstemming met die riglyne in Ons Koninkryksbediening.