Wat ons oor die tydskrifte kan sê

Wagtoring 15 Mrt.

“Stem jy saam dat regverdige heerskappy hierdie aarde ’n beter plek sou maak om op te lewe? [Wag vir ’n antwoord.] Let asseblief op wat die Bybel belowe. [Lees Psalm 37:11.] Ons kan sulke vrede geniet, wat ’n werklikheid sal wees onder ’n volmaakte Leier wat in hierdie artikels geïdentifiseer word.”

Ontwaak! 22 Mrt.

“Aardbewings kan tallose sterftes en verskriklike verwoesting veroorsaak. Oorlewendes word dikwels dakloos gelaat en sukkel om weer op die been te kom. Hierdie nommer van die Ontwaak! toon hoe slagoffers in staat was om die nadraai van ’n aardbewing die hoof te bied. Dit verduidelik ook hoe aardbewings deel uitmaak van ’n baie belangrike Bybelprofesie.”

Wagtoring 1 Apr.

“Ek wil graag vir jou ’n bemoedigende gedagte in die Bybel wys. [Lees Matteus 22:37.] Wat dink jy beteken dit? [Wag vir ’n antwoord.] Let op hierdie artikel: ‘Soek na God met jou hart en verstand.’ Is ware geloof bloot ’n saak van die hart, of is die verstand ook daarby betrokke? Die antwoord is insiggewend.”

Ontwaak! 8 Apr.

“Soos jy weet, is dit deesdae ’n uitdaging om vir ’n gesin te sorg, en om ’n moeder te wees, is ’n veeleisende taak. Hierdie nommer van die Ontwaak! het ’n interessante bespreking oor die onderwerp: ‘Moederskap—Moet jy ’n supervrou wees?’ Ek sal graag hierdie eksemplaar by jou wil laat.”