Nuwe program vir die spesiale byeenkomsdag
1 Hoewel die media en opvoedkundiges materiële rykdom verheerlik, spoor God se Woord ons aan: “Wees ryk in goeie werke” (1 Tim. 6:18). Dit is die tema vir die spesiale byeenkomsdag wat in September 2002 begin. Watter aanmoediging sal ons by hierdie byeenkoms ontvang?
2 Die kringopsiener gaan die tema “Wees ryk in God se oë” bespreek en onderhoude voer met party wat hulle inspan om geestelike rykdom te verkry. In sy eerste toespraak vir die dag sal die besoekende spreker toon hoe God se volk “Goeie werke in hierdie oestyd” verrig. Elkeen van ons sal aangemoedig word om te kyk hoe ons selfs meer kan doen in die godgegewe oeswerk wat vandag uitgevoer word.
3 Hoe trots is ons tog wanneer ons sien hoe jong Christene geestelike rykdom nastreef! Dit verheerlik Jehovah en help jongmense om ’n goeie grondslag vir toekomstige diensvoorregte te lê. Die deel “Prys jongmense vir die goeie werke waarmee hulle Jehovah loof” sal die aandag vestig op die goeie werke wat plaaslike jong Christene doen.
4 Wat is die resultate as ’n mens goeie werke nastreef? Die besoekende spreker sal dit bespreek in sy laaste toespraak “Gaan voort met goeie werke en ontvang Jehovah se seëninge”. Hy sal vier gebiede bespreek waarop ons ryk seëninge ontvang: (1) as individue, (2) as gesinne, (3) as ’n gemeente en (4) as ’n wêreldwye organisasie.
5 Diegene wat hulle aan Jehovah toegewy het, sal die geleentheid hê om gedoop te word. As jy gereed is om jou te laat doop, moet jy so gou as moontlik vir die presiderende opsiener sê.
6 Wanneer die datum vir julle kring se byeenkoms aangekondig word, moet julle dadelik definitiewe reëlings begin tref om dit by te woon. Probeer om vroeg daar te wees sodat julle saam die openingslied kan sing en na die gebed kan luister. As ons teenwoordig is en aandagtig na al die toesprake van die spesiale byeenkomsdag luister, sal dit ons versterk om te volhard op ’n weg wat ons waarlik ryk in ons God, Jehovah, se oë maak.