Wagtoring – AANLYN BIBLIOTEEK
Wagtoring
AANLYN BIBLIOTEEK
Afrikaans
  • BYBEL
  • PUBLIKASIES
  • VERGADERINGE
  • km 4/03 bl. 1
  • ‘Maak plek daarvoor’

Video nie beskikbaar nie.

Jammer, die video kon nie laai nie.

  • ‘Maak plek daarvoor’
  • Ons Koninkryksbediening—2003
  • Soortgelyke materiaal
  • Maak die beste gebruik van die ongetroude lewe
    Die Wagtoring kondig Jehovah se Koninkryk aan—2011
  • Die ongehude staat—’n lonende lewenswyse
    Die Wagtoring kondig Jehovah se Koninkryk aan—1987
  • Wanneer die ongetroude lewe ’n gawe is
    Ontwaak!—1995
  • Die ongetroude lewe—’n Deur tot diens sonder om afgelei te word
    Die Wagtoring kondig Jehovah se Koninkryk aan—1996
Sien nog
Ons Koninkryksbediening—2003
km 4/03 bl. 1

‘Maak plek daarvoor’

1 Toe Jesus eenkeer met sy dissipels oor die huwelik gepraat het, het hy na die ongetroude lewe as ‘’n gawe’ verwys. Daarna het hy gesê: “Wie daarvoor plek kan maak, laat hom daarvoor plek maak” (Matt. 19:10-12). Jare later het die apostel Paulus oor die voordele van die ongetroude lewe geskryf en ander aangespoor om sy voorbeeld te volg deur ongetroud te bly (1 Kor. 7:7, 38). Vandag maak baie “plek” vir die ongetroude lewe en geniet hulle die voordele daarvan. Wat is van die voordele?

2 Diens “sonder om afgelei te word”: Paulus het besef dat die ongetroude lewe hom die geleentheid gegee het om Jehovah te dien “sonder om afgelei te word”. Net so ook vandag kan ’n ongetroude broer daarna streef om die Bedieningsopleidingskool by te woon, en ’n ongetroude persoon het oor die algemeen groter vryheid om ’n pionier te word, ’n ander taal aan te leer, te trek na ’n gebied waar hulp nodig is, by Bethel te dien of vir ander spesiale diensvoorregte beskikbaar te wees. Hy het moontlik meer tyd en geleenthede om diep persoonlike studie te doen en te bepeins en met Jehovah in hartgrondige gebed te kommunikeer. Die ongetroude persoon het ook gewoonlik meer tyd om ander te help. Dit alles is tot sy “eie voordeel”.—1 Kor. 7:32-35; Hand. 20:35.

3 Sulke diens aan God sonder om afgelei te word, bring ryk seëninge mee. Ná 27 jaar in Kenia het ’n ongetroude suster geskryf: “Daar was soveel vriende en so baie werk om te doen! Ons het dinge saam gedoen [en] by mekaar gekuier. . . . Ek kon die ekstra vryheid en aanpasbaarheid wat die ongetroude lewe moontlik maak, gebruik om besig te bly in die bediening, en dit het my groot vreugde verskaf.” Sy het bygevoeg: “Deur die jare heen het my verhouding met Jehovah al hoe hegter geword.”

4 Maak plek daarvoor: Jesus het gesê dat die rede waarom ’n mens plek maak vir die gawe om ongetroud te bly, “weens die koninkryk van die hemele” moet wees (Matt. 19:12). Soos met enige gawe die geval is, moet die ongetroude lewe reg gebruik word as iemand vreugde en voordele wil geniet. Deur die geleenthede aan te gryp wat die ongetroude lewe meebring en deur op Jehovah te vertrou vir wysheid en krag, het baie ongetroude mense die waarde daarvan besef om vir hierdie gawe plek te maak.

    Afrikaanse publikasies (1975-2025)
    Meld af
    Meld aan
    • Afrikaans
    • Deel
    • Voorkeure
    • Copyright © 2025 Watch Tower Bible and Tract Society of Pennsylvania
    • Gebruiksvoorwaardes
    • Privaatheidsbeleid
    • Privaatheidsinstellings
    • JW.ORG
    • Meld aan
    Deel