Wat ons oor die tydskrifte kan sê

Wagtoring 15 Aug.

“Die meeste mense heg groot waarde aan ’n goeie naam. Party wonder selfs hoe hulle ná hulle dood onthou sal word. Het jy al ooit daaroor gewonder? [Wag vir ’n antwoord. Lees dan Prediker 7:1.] Die Wagtoring bespreek hoe ons ’n goeie naam by mense sowel as by God kan opbou.”

Ontwaak! 22 Aug.

“As jy of ’n gesinslid al ooit afknouery ondervind het, weet jy hoe stresvol dit kan wees. [Wag vir ’n antwoord.] Hierdie Ontwaak! gee praktiese wenke vir die slagoffers van afknouery. Dit bespreek ook God se belofte van ’n tyd wanneer daar nie meer sulke probleme in die lewe sal wees nie.” Lees Miga 4:4.

Wagtoring 1 Sept.

“Baie mense meen dat die verskillende godsdienste van die mensdom bloot verskillende paaie is wat na dieselfde plek lei. Ander glo dat daar net een ware geloof is. Het jy al ooit hieroor gewonder? [Wag vir ’n antwoord.] Dié tydskrif ondersoek ’n eeue oue gelykenis wat lig op hierdie vraag werp.” Vestig die aandag op Matteus 13:24-30.

Ontwaak! 8 Sept.

“Modegiere het vandag ’n kragtige invloed op die lewens van baie mense. Party meen dat daar te veel klem geplaas word op wat mense aantrek en hoe hulle lyk. Wat dink jy? [Wag vir ’n antwoord.] Die Ontwaak! gee ’n gebalanseerde beskouing van modes.” Lees Kolossense 3:12.