Wat ons oor die tydskrifte kan sê

Wagtoring 15 Aug.

“Ná ’n tragiese verlies wonder baie mense wat gebeur wanneer iemand doodgaan. Dink jy dit is moontlik om die dood te verstaan? [Wag vir ’n antwoord.] Hierdie tydskrif verduidelik wat die Bybel oor die toestand van die dooies sê. Dit bespreek ook God se belofte om ons geliefdes wat gesterf het, op te wek.” Lees Johannes 5:28, 29.

Ontwaak! 22 Aug.

“Het jy geweet dat toerisme al die wêreld se grootste werkverskaffer genoem is? [Wag vir ’n antwoord.] Die toename in toerisme het voordele sowel as probleme meegebring. Hierdie tydskrif bespreek die voor- en nadele van die hedendaagse toeristebedryf. Dit gee ook ’n paar praktiese wenke vir internasionale reisigers.”

Wagtoring 1 Sept.

“In vandag se wêreld is lojaliteit ’n deug wat dikwels geprys maar selde beoefen word. Sou dit nie wonderlik gewees het as meer mense soos die vriend was wat hier beskryf word nie? [Lees Spreuke 17:17. Wag dan vir ’n antwoord.] Hierdie tydskrif bespreek die voordele wat dit inhou as ’n mens lojaal aan jou gesin en vriende is.”

Ontwaak! 8 Sept.

“Jy was miskien al verbaas oor die samewerking wat in die natuur bestaan. [Meld een van die voorbeelde wat in die artikel aangegee word.] Is dit nie hartseer dat daar so min samewerking tussen mense is nie? [Wag vir ’n antwoord.] Hierdie tydskrif verduidelik hoe God binnekort vrede en eenheid op ons aarde tot stand sal bring.” Lees Jesaja 11:9.