Wat ons oor die tydskrifte kan sê

Wagtoring 15 Apr.

“Daar is vandag ’n ontsaglike hoeveelheid inligting beskikbaar, nie waar nie? [Wag vir ’n antwoord.] Maar niks daarvan is waardevoller as wat in hierdie teks beskryf word nie. [Lees Johannes 17:3.] Hierdie tydskrif verduidelik wat die woorde ‘ewige lewe’ beteken en hoe ons die kennis kan verkry wat daartoe lei.”

Ontwaak! 22 Apr.

“Hoewel Jesus Christus moontlik die bekendste mens is wat nog geleef het, wonder baie mense wie hy werklik is. Het jy geweet dat selfs Jesus se apostels hieroor gewonder het? [Wag vir ’n antwoord. Lees dan Markus 4:41.] Hierdie tydskrif ondersoek wat die Bybel oor Jesus se ware identiteit sê.”

Wagtoring 1 Mei

“Wanneer ’n geliefde sterf, is dit natuurlik dat ons daardie persoon weer wil sien. Stem jy nie saam nie? [Wag vir ’n antwoord.] Baie mense is al vertroos deur die Bybel se belofte van ’n opstanding. [Lees Johannes 5:28, 29.] Hierdie tydskrif bespreek wanneer die opstanding sal plaasvind en presies wie daarby sal baat vind.”

Ontwaak! 8 Mei

“Die meeste ouers is selektief wanneer hulle besluit waarna hulle kinders mag kyk. Vind jy dit moeilik om geskikte rolprente vir jou gesin te vind? [Wag vir ’n antwoord. Lees dan Efesiërs 4:17.] Hierdie tydskrif bespreek hoe ouers hulle kinders kan help om heilsame vermaak te kies.”