Wat ons oor die tydskrifte kan sê

Wagtoring 15 Jul.

“Gedurende die duisende jare van die mensegeskiedenis het ’n groot verskeidenheid godsdiensopvattings onder die mensdom ontstaan. Dink jy dit is moontlik om vas te stel watter opvattings waar en watter vals is? [Wag vir ’n antwoord.] Hierdie tydskrif bespreek waar ’n mens ware leringe kan vind wat God behaag.” Lees 2 Timoteus 3:16.

Ontwaak! 22 Jul.

“Dit is hartverskeurend om die lyding te sien wat deur natuurrampe veroorsaak word. [Meld ’n voorbeeld wat plaaslik bekend is.] Dink jy dat sulke rampe aan die toeneem is? [Wag vir ’n antwoord.] Hierdie tydskrif ondersoek dié vraag. Dit bied ook vertroosting vir diegene wat geliefdes in sulke tragedies verloor het.” Lees Johannes 5:28, 29.

Wagtoring 1 Aug.

“Talle mense worstel vandag met gevoelens van waardeloosheid. Wat dink jy kan gedoen word om hulle te help? [Wag vir ’n antwoord.] Hierdie tydskrif bespreek hoe die Bybel sulke mense kan help om ware vreugde te vind.” Vestig die aandag op die tekste in vetgedrukte kursiewe letters in die artikel “Die Bybel kan jou help om vreugde te vind”.

Ontwaak! 8 Aug.

“Talle mense lewe die hele tyd in vrees. Wat dink jy is verantwoordelik vir hierdie atmosfeer van vrees? [Wag vir ’n antwoord.] Hierdie tydskrif gee praktiese wenke oor hoe ons ons teen algemene gevare kan beskerm. Dit bespreek ook die Bybel se belofte van ’n wêreld sonder vrees.” Lees Jesaja 11:9.