Geniet ons studie van Wat leer die Bybel werklik?

¹ ’n Opwindende aspek van die “Godvrugtige gehoorsaamheid”-streekbyeenkomste was die vrystelling van die boek Wat leer die Bybel werklik? Ons sal dit een van die dae baie in ons veldbediening gebruik, veral wanneer ons tuisbybelstudies hou. Ons moet dus goed vertroud raak met hierdie nuwe publikasie. Dit sal vir ons moontlik wees, want van die week van 17 April 2006 af sal ons dit by die Gemeentelike Boekstudie bestudeer.

² Die Gemeentelike Boekstudieopsiener sal die aandag op die vrae aan die begin van elke hoofstuk vestig. Die studie sal dan met behulp van die vrae onderaan die bladsy gehou word. Sleuteltekste moet gelees en bespreek word, en die venster “Wat die Bybel leer” aan die einde van elke hoofstuk sal nuttig wees om die inligting te hersien, want die venster bevat die skriftuurlike antwoorde op die vrae aan die begin van die hoofstuk. Jy sal dit geniet om kommentaar te lewer, want hierdie boek bespreek onderwerpe op ’n verstaanbare, eenvoudige en interessante manier.

³ Die aanhangsel van hierdie boek voorsien besonderhede oor verskeie onderwerpe. Ons sal hierdie materiaal kan gebruik wanneer Bybelstudente meer inligting oor ’n sekere onderwerp nodig het. Dele van die aanhangsel sal soms tydens die Gemeentelike Boekstudie bespreek word. Die boekstudieleser moet al die inligting oor ’n onderwerp in die aanhangsel lees, en die langer artikels kan in kleiner dele verdeel word. Daar is nie studievrae in die aanhangsel nie. Maar die opsiener kan vrae vra wat die hoofgedagtes beklemtoon.

⁴ Studies in die Leer Bybel-boek by die Gemeentelike Boekstudie sal vinnig vorder. Daar word nie van ons verwag om so vinnig deur hierdie publikasie te gaan wanneer ons dit met ander studeer nie, veral nie as hulle min of geen Bybelkennis het nie (Hand. 26:28, 29). Tydens tuisbybelstudies sal ons tekste deegliker moet bespreek, illustrasies moet verduidelik, ensovoorts. Wees dus vasbeslote om die boekstudie elke week by te woon en ’n volle deelname te hê aan ons studie van die boek Wat leer die Bybel werklik?