Wat ons oor die tydskrifte kan sê

Wagtoring 15 Jan.

“Waar dink jy kan getroude paartjies betroubare raad vind? [Wag vir ’n antwoord.] Let op wie die huwelik ingestel het. [Lees Genesis 2:22.] God het ook instruksies voorsien omtrent die waardige rol van die man en die vrou. Hierdie tydskrif verduidelik meer hieroor.”

Ontwaak! Jan.

“Het jy opgemerk dat baie wat sê dat hulle Christene is, nie Jesus se leringe volg nie? [Wag vir ’n antwoord.] Baie volg byvoorbeeld nie hierdie woorde van Jesus nie. [Lees Johannes 13:35.] Hierdie artikel ondersoek die verskil tussen wat Jesus aan ander geleer het, en die beskouing van baie verklaarde Christene.” Vestig die aandag op die artikel wat op bladsy 18 begin.

Wagtoring 1 Feb.

“Dink jy dat ons gemeenskap ’n beter plek sou wees as almal volgens hierdie woorde gelewe het? [Lees Efesiërs 4:25. Wag dan vir ’n antwoord.] Baie mense dink dat dit aanvaarbaar is om in sekere situasies leuens te vertel. Hierdie tydskrif verduidelik watter voordele dit inhou om altyd die waarheid te praat.”

Ontwaak! Feb.

“Dit lyk asof gesindhede teenoor godsdiens verander in party gemeenskappe. Dink jy dat die kerke besig is om hulle invloed te verloor? [Wag vir ’n antwoord.] Hierdie woorde van die apostel Paulus gee ’n rede waarom party hulle vertroue in godsdiens verloor het. [Lees Handelinge 20:29, 30.] Hierdie tydskrif toon wat die Bybel oor die toekoms van die Christelike godsdiens sê.”