’n Kringbyeenkoms wat ons sal help om ons geestelikheid te beskerm
1. Wat is een voorsiening van Jehovah wat ons help om die opdrag uit te voer om die goeie nuus te versprei?
1 Jehovah voorsien mildelik die inligting, opleiding en aanmoediging wat ons nodig het om ’n deel te hê aan die godgegewe werk om die goeie nuus te versprei (Matt. 24:14; 2 Tim. 4:17). Ons jaarlikse kringbyeenkoms is een so ’n voorsiening. ’n Nuwe program vir die 2010-diensjaar sal die tema “Beskerm jou geestelikheid” ontwikkel, wat op Romeine 8:5 en Judas 17-19 gebaseer is. Dit sal die week van 31 Augustus 2009 begin.
2. (a) In watter opsigte sal die kringbyeenkoms vir ons van nut wees? (b) Hoe het vorige kringbyeenkomste jou in die bediening gehelp?
2 Waarom nuttig: Die program sal ons bewus maak van gevare soos dinge wat te veel van ons tyd in beslag kan neem en ons aandag kan aflei van wat werklik belangrik is. Ons sal leer hoe om ’n permissiewe gesindheid teë te werk en sal die kenmerke van ’n geestelike persoon bespreek. Sondag se simposium sal toon hoe individue en gesinsgroepe hulle geestelikheid kan versterk te midde van toenemende druk en ernstige toetse van geloof. Die program sal ons help om ons hart te bewaak, om ons geestelike gesondheid te handhaaf en om die wonderlike seëninge wat wag op diegene wat hulle geestelikheid beskerm, duidelik voor oë te hou.
3. Wanneer word jou volgende kringbyeenkoms gehou, en wat moet jy vasbeslote wees om te doen?
3 Sodra jy weet wanneer en waar julle volgende kringbyeenkoms gehou gaan word, moet jy reëlings tref om albei dae al die sessies by te woon en aandagtig te luister. Wees verseker dat Jehovah die hande van die vlytige seën.—Spr. 21:5.
4. Wat gaan ons ongetwyfeld by ons komende kringbyeenkoms ontvang?
4 Jehovah is inderdaad die Voorsiener van hierdie goeie gawe. Die program wat deur die ‘getroue slaaf’-klas voorberei is, sal presies wees wat ons nodig het om as Christenbedienaars te volhard. Ons is dankbaar teenoor Jehovah vir al sy liefdevolle voorsienings wat help dat ons “aan die openbare bekendmaking van ons hoop vashou sonder om te wankel”.—Heb. 10:23-25; Jak. 1:17.