Is ek bekwaam om te preek?
1. Waarom moet ons nie onbekwaam voel om te preek nie?
1 As hierdie vraag ooit by jou opkom, hoef jy nie mismoedig te raak nie! Dit is nie geleerdheid of uitsonderlike natuurlike aanleg wat ons as bedienaars bekwaam maak nie. Party van die vroeë dissipels is as “ongeleerde en gewone mense” beskryf. En tog was hulle doeltreffende verkondigers van die goeie nuus, omdat hulle hulle dit ten doel gestel het om Jesus se voorbeeld te volg.—Hand. 4:13; 1 Pet. 2:21.
2. Wat was ’n paar kenmerke van Jesus se onderrigting?
2 Hoe Jesus mense geleer het: Sy onderrigting was eenvoudig, prakties en maklik om te verstaan. Sy vrae, illustrasies en ongekompliseerde inleidings het sy toehoorders se aandag getrek (Matt. 6:26). Hy het opregte belangstelling in mense getoon (Matt. 14:14). Wat meer is, Jesus het met selfvertroue en gesag gepraat omdat hy geweet het dat Jehovah hom hierdie opdrag gegee het sowel as die krag om sy toewysing uit te voer.—Luk. 4:18.
3. Hoe help Jehovah ons om ons bediening uit te voer?
3 Jehovah help ons: Deur sy Woord en organisasie voorsien ons Grootse Onderrigter die opleiding wat ons nodig het om die goeie nuus met welslae te verkondig (Jes. 54:13). Aangesien Jehovah ’n verslag bewaar het van die manier waarop Jesus onderrig het, kan ons sy metodes noukeurig ondersoek en navolg. Jehovah gee ons sy heilige gees en lei ons op deur gemeentelike vergaderinge (Joh. 14:26). Daarbenewens voorsien hy ook ervare verkondigers wat ons kan help om bekwamer te word.
4. Waarom het ons rede om te voel dat ons bekwaam is om ander van die goeie nuus te vertel?
4 Ons het alle rede om te voel dat ons bekwaam is om te preek, want “die feit dat ons voldoende bekwaam is, kom van God” (2 Kor. 3:5). Omdat ons op Jehovah vertrou en getrou goeie gebruik maak van sy liefdevolle voorsienings, sal ons “volkome bevoeg . . . wees, ten volle toegerus vir elke goeie werk”.—2 Tim. 3:17.