Hoe om die Volg asseblief op- vorm (S-43) te gebruik

Hierdie vorm moet gebruik word wanneer jy ’n belangstellende vind wat nie in julle gebied woon nie of wat ’n ander taal praat. Hoewel ons dit in die verlede gebruik het wanneer ons mense ontmoet het wat ’n ander taal praat, hetsy hulle belangstelling getoon het of nie, gebruik ons dit nou slegs wanneer die persoon belangstelling toon. Die enigste uitsondering is as die persoon doof is. As ons iemand ontmoet wat doof is, moet ons ’n S-43-vorm invul, hetsy hy belangstelling toon of nie.

Wat moet ons met die vorm doen nadat ons dit ingevul het? Ons moet dit vir die gemeentelike sekretaris gee. As hy weet na watter gemeente dit gestuur moet word, kan hy dit eenvoudig na die ouer manne van daardie gemeente stuur sodat hulle kan reël dat daar na die belangstelling omgesien word. As hy nie kan vasstel watter gemeente dit is nie, sal hy die vorm na die takkantoor stuur.

As die belangstellende ’n ander taal praat en in julle gebied woon, kan jy aanhou om hom te besoek om die belangstelling aan te wakker totdat ’n verkondiger van die gepaste anderstalige gemeente met hom in aanraking kom.—Sien Ons Koninkryksbediening vir November 2009, bladsy 4.