Doen die opvolgbesoek so gou as moontlik

Sedert ons herontwerpte webwerf bekend gestel is, het aanlyn versoeke om Bybelstudies drasties toegeneem. Nog versoeke om Bybelstudies is ontvang as gevolg van nuwe inisiatiewe vir openbare getuieniswerk. Die takkantoor hanteer dit so gou as moontlik. As ’n Bybelstudie byvoorbeeld op jw.org aangevra word, word die ouer manne in die belangstellende persoon se gebied dikwels net twee dae later deur die takkantoor daarvan in kennis gestel. Maar verslae uit die veld toon dat party persone wat ’n Bybelstudie aangevra het, etlike weke gewag het voordat iemand met hulle in verbinding getree het. Hoe kan ons verseker dat hulp voorsien word voordat die persoon belangstelling begin verloor?—Mark. 4:14, 15.

As ’n persoon wat nie in jou gebied woon nie, belangstelling toon, moet jy stiptelik ’n Volg asseblief op-vorm (S-43) invul en dit voor of by die volgende vergadering vir die sekretaris gee. Die sekretaris moet die inligting binne ’n dag of twee vir die gepaste gemeente gee of dit aan die takkantoor stuur deur die “Congregation”-gewel op jw.org te gebruik. Ouer manne moet die webwerf gereeld nagaan. As hulle in kennis gestel word dat iemand ’n besoek aangevra het, moet hulle dit gou opvolg. Enige verkondiger wat gevra word om die besoek te doen, moet dit as ’n prioriteit beskou. As die persoon nie by die huis is nie, kan jy dalk ’n briefie los met jou kontakbesonderhede daarop.