Een manier om die Bybel se boodskap-brosjure te gebruik

Baie mense in ons gebied, veral dié wat aan nie-Christelike godsdienste behoort, is nie met die Bybel vertroud nie. Wanneer hulle met hierdie mense uit die Leer Bybel-boek studeer, gebruik sommige verkondigers ook die Bybel se boodskap-brosjure om hulle student te help om ’n oorsig van die Bybel te kry. Byvoorbeeld, een broer gaan saam met sy student deur deel 1 van die brosjure wanneer hy hoofstuk 3 van die Leer Bybel-boek bespreek. Daarna bespreek hy nog ’n deel daarvan aan die einde van elke studie. Studeer jy met iemand wat min of geen blootstelling aan die Bybel gehad het nie? Om hom te help om ‘die heilige geskrifte [te leer] wat hom wys kan maak tot redding’, kan jy dit oorweeg om die materiaal in die Leer Bybel-boek met die Bybel se boodskap-brosjure aan te vul.—2 Tim. 3:15.