Ons amptelike webwerf—Gebruik dit in jou bediening

Vestig mense se aandag op die webwerf: Party mense wat huiwerig is om met ons te gesels of ons lektuur te aanvaar, is bereid om Jehovah se Getuies te ondersoek deur in die privaatheid van hulle huis na jw.org te kyk. Adverteer dus die webwerf by elke gepaste geleentheid.

Beantwoord vrae: Partykeer sal ’n huisbewoner of ’n belangstellende ’n vraag oor Jehovah se Getuies of oor ons oortuigings vra. Wys hom daar en dan die antwoord met behulp van ’n draagbare toestel of ’n rekenaar. Dit is dikwels beter om die teksverwysings direk uit die Bybel te lees. As jy nie maklike toegang tot die Internet het nie, kan jy verduidelik hoe die persoon jw.org kan gebruik om self die antwoord te vind.—Gaan na “Bybelleringe/Antwoorde op Bybelvrae” of “Omtrent ons/Algemene vrae”.

Stuur ’n artikel of ’n publikasie aan iemand wat jy ken: Heg ’n PDF of ’n EPUB wat jy afgelaai het, aan ’n e-pos. Of skryf ’n oudio-weergawe van ’n publikasie na ’n CD. Elke keer wanneer jy vir ’n ongedoopte persoon ’n volledige elektroniese boek, brosjure of tydskrif gee, kan jy dit by jou velddiensrapport insluit. Materiaal moenie anoniem of deur middel van ’n massa-e-pos gestuur word nie. Dit moet ook nie op enige ander webwerf opgelaai word nie.—Gaan na “Publikasies”.

Wys mense die jongste nuus oor Jehovah se Getuies: Dit sal Bybelstudente en ander wat jy besoek, help om waardering op te bou vir die wêreldwye omvang van ons werk en ons Christelike eenheid (Ps. 133:1).—Gaan na “Nuus”.

[Diagram op bladsy 5]

(Sien publikasie vir oorspronklike teksuitleg)

Probeer die volgende

1 Vind die item wat jy wil aflaai onder “Publikasies”, en klik op die knoppie vir die teks- of oudioformaat wat jy verlang.

2 Klik op die MP3-knoppie om ’n lys van afsonderlike artikels te vertoon. Klik op die titel van die artikel om dit af te laai of op ▸ om aanlyn daarna te luister.

3 Kies ’n ander taal op hierdie lys as jy ’n publikasie in daardie taal wil aflaai.