Ons amptelike webwerf—Gebruik dit om iemand te help wat ’n ander taal praat

Wys hom ons webwerf: Wys hom hoe hy die “Taal van webwerf”-lys kan gebruik om die webwerf in sy taal te sien. (In sommige tale is net ’n gedeelte van die webwerf beskikbaar.)

Wys hom ’n webblad in sy taal: Wys ’n bladsy uit een van ons publikasies, soos die Leer Bybel-boek of die Waarheid-traktaat. Kies die huisbewoner se taal op die “Lees in”-lys.

Laat hom na ’n artikel luister: Vind ’n artikel met ’n oudiosnit in die persoon se taal en speel dit vir hom. As jy besig is om ’n ander taal te leer, kan jy jou vaardighede verbeter deur na ’n oudiosnit in daardie taal te luister terwyl jy die materiaal lees.—Gaan na “Publikasies/Boeke en brosjures” of “Publikasies/Tydskrifte”.

Getuig vir die dowes: As jy ’n dowe persoon ontmoet, kan jy ’n gebaretaalvideo van ’n Bybelhoofstuk, ’n boek, ’n brosjure of ’n traktaat vir hom speel.—Gaan na “Publikasies/Gebaretaal”.

[Diagram op bladsy 6]

(Sien publikasie vir oorspronklike teksuitleg)

Probeer die volgende

1 Klik op ▸ om die gekose oudiosnit te speel (indien dit in jou taal beskikbaar is) of op een van die knoppies onder “Aflaai-opsies” om die publikasie af te laai.

2 Kies ’n ander taal op die “Lees in”-lys om die bladsy in daardie taal te vertoon.

3 Klik op “Volgende” of op ’n skakel in die “Inhoudsopgawe” om ’n ander artikel of hoofstuk te lees.