“Wees lief vir die hele gemeenskap van broers”
Die geïnspireerde woorde van hierdie titel is byna tweeduisend jaar gelede geskryf (1 Pet. 2:17). Maar ons moet dit nou meer as ooit tevore toepas! Hoe kan ons ons wêreldwye broederskap liefhê, aangesien dit so groot is? En hoe kan ons in hierdie liefdelose wêreld seker maak dat ons liefde nooit vervaag nie? (Matt. 24:12). Kyk of jy die volgende vrae kan beantwoord terwyl jy na die video Our Whole Association of Brothers kyk.
(1) Wanneer het ons amptelik deel geword van ons Christenbroederskap? (2) Watter drie bedrywighede het ons met ons wêreldwye broederskap in gemeen? (3) Hoe toon ons broers hulle vasbeslotenheid om die predikingswerk te doen (a) in die Alaska-wildernis, (b) in die ontsaglike hawens van Europa en (c) in die digte woude van Peru? (4) Waarom moet ons nooit voel dat die predikingswerk net ’n gewone werk is nie? (5) Gee voorbeelde van hoe Jehovah se Getuies mekaar vertroos en ondersteun het (a) ná ’n aardbewing, (b) ná ’n orkaan en (c) gedurende burgeroorloë. (6) Op watter praktiese maniere kan ons almal die hoofkenmerk van ons Christenbroederskap aan die dag lê? (Joh. 13:35). (7) Watter voordele hou dit in om saam te werk om ons eie Koninkryksale te bou? (8) Hoe het ons broers in Oos-Europa en Rusland geestelik aan die gang gebly terwyl daar ’n verbod op die werk was? (9) Watter merkwaardige poging wend baie Getuies aan om byeenkomste by te woon, en waarom? (10) Hoe het hierdie video jou vasbeslotenheid versterk (a) om Jehovah by Christelike vergaderinge in eenheid met jou broers te aanbid, (b) om ander in tye van nood te help en (c) om die predikingswerk getrou te doen wanneer en hoe jy ook al kan? (11) Hoe en wanneer kan ons hierdie video in die bediening gebruik?
Die hoofrede waarom ons deel van ons Christenbroederskap is, is ons liefde vir Jehovah. Daarom is ons gretig om kennis van hom in te neem en om ander van hom te leer. En ons is lief vir die mense vir wie Jehovah lief is. Wanneer ons hulle in tye van nood help, verwag ons nie dat God ons moet bedank nie. Ons dank God eerder omdat ons ons Christenbroederskap as ’n kosbare gawe van hom beskou. Terwyl die einde van hierdie liefdelose wêreld vinnig nader kom, laat ons aanhou om liefde aan die hele gemeenskap van broers te betoon!