Vraebus

◼ Moet ’n vroulike verkondiger ’n hoofbedekking dra as ’n manlike verkondiger saam met haar na ’n Bybelstudie gaan wat by die deur gehou word?

Wanneer ’n vroulike verkondiger ’n gereelde Bybelstudie hou en ’n manlike Koninkryksverkondiger teenwoordig is, moet sy ’n hoofbedekking dra (1 Kor. 11:3-10). Die Wagtoring van 15 Julie 2002, bladsy 27, verduidelik: “Dit is ’n voorafgereëlde onderrigsessie waar die studiehouer in werklikheid die leiding neem. Onder hierdie omstandighede word ’n studie ’n uitbreiding van die gemeente. As ’n gedoopte vroulike Getuie so ’n studie in die teenwoordigheid van ’n gedoopte manlike Getuie hou, sal sy tereg ’n hoofbedekking dra.” Dit is die geval hetsy die studie in ’n huis, by die deur of elders gehou word.

Maar as ’n Bybelstudie nog nie by die deur begin is nie, hoef ’n suster nie ’n hoofbedekking in die teenwoordigheid van ’n manlike Koninkryksverkondiger te dra nie, selfs al is die doel van die herbesoek om ’n Bybelstudie te demonstreer of om materiaal in een van die aanbevole studiepublikasies te bespreek. Aangesien studies wat by die deur gehou word, geleidelik deur ’n reeks progressiewe herbesoeke begin word, moet verkondigers die omstandighede in ag neem en redelik wees wanneer hulle bepaal of ’n hoofbedekking gebruik moet word of nie.