Pasop dat jy nie valse stories versprei nie

Vandag kan inligting baie vinnig na miljoene mense versprei word deur middel van gedrukte inligting, die radio, die televisie en die Internet. Dié wat “die God van waarheid” aanbid, moenie valse inligting versprei nie, al doen hulle dit sonder om dit te besef (Ps 31:5; Eks 23:1). As valse stories versprei word, kan dit groot probleme of hartseer veroorsaak. As jy wil seker maak of iets waar is, moet jy jou afvra:

• ‘Kom dit van ’n betroubare bron af?’ Die een wat die storie oorvertel, ken dalk nie al die feite nie. Wanneer mense stories oorvertel, verander die inligting baiekeer, en daarom moet jy oppas as jy nie weet presies waar die storie vandaan kom nie. Omdat dié wat voorregte in die gemeente het as betroubare bronne van inligting beskou word, moet hulle veral baie versigtig wees en nie inligting versprei waarvoor daar nie bewyse is nie

• ‘Is die inligting lasterlik?’ As dit ’n persoon of ’n groep se naam deur die modder sleep, moet ons dit nie versprei nie. – Spr 18:8; Flp 4:8

• ‘Is die storie geloofwaardig?’ Wees versigtig wanneer jy stories en ervarings hoor wat sensasie veroorsaak of te goed klink om waar te wees

KYK NA DIE VIDEO STOP DIE SKINDERSTORIES!, EN BEANTWOORD DAN DIE VOLGENDE VRAE:

• 

  Hoe kan woorde ander seermaak, volgens Spreuke 12:18?

• 

  Hoe help Filippense 2:4 ons om goeie besluite te maak wanneer ons oor ander praat?

• 

  Wat moet ons doen wanneer ander sarkasties of negatief begin raak wanneer hulle oor mense praat?

• 

  Watter vrae moet ons onsself vra voordat ons oor ander begin praat?