Die belangrikste voorwerp in die tabernakel

25:9, 21, 22

Die Ark was die belangrikste voorwerp in die tabernakel en in die kamp van Israel. God se teenwoordigheid was voorgestel deur ’n wolk tussen die twee gerubs wat bokant die versoendeksel van die Ark was. Op die jaarlikse Versoendag het die hoëpriester in die Allerheiligste ingegaan en die bloed van ’n bul en ’n bok voor die deksel gespat om versoening te doen vir Israel se sondes (Le 16:14, 15). Dit het die tyd voorgestel wanneer Jesus, die grotere Hoëpriester, voor Jehovah in die hemel sou verskyn om die waarde van sy losprysoffer aan te bied. – Heb 9:24-26.

Pas die volgende tekste by die voordele wat ons deur die losprys kan kry:

TEKSTE

• 1Jo 1:8, 9

• Heb 9:13, 14

• Ro 6:23

VOORDELE

• die hoop om vir ewig te lewe

• vergifnis van sonde

• ’n skoon gewete

Wat moet ons doen om hierdie voordele te kry?