Is jy bereid om aansoek te doen vir die Skool vir Koninkrykspredikers?

Is jy tussen die ouderdom van 23 en 65 en in die voltydse diens? Is jou gesondheid goed, en kan jy dien waar daar hulp nodig is? As jou antwoord op hierdie vrae ja is, het jy dit al oorweeg om aansoek te doen vir die Skool vir Koninkrykspredikers? Vandat die eerste klas begin het, het duisende getroude paartjies, ongetroude broers en ongetroude susters al aansoek gedoen. Maar ons wil graag hê dat meer ongetroude broers aansoek moet doen. Vra Jehovah om jou begeerte te versterk om sy hart bly te maak en die voorbeeld van sy Seun te volg (Ps 40:8; Mt 20:28; Heb 10:7). Dan moet jy dink aan maniere om sekulêre of persoonlike verpligtinge te verminder sodat jy vir die voorreg kan kwalifiseer.

Watter diensvoorregte kon gegradueerdes al geniet vandat hulle hierdie teokratiese opleiding gekry het? Party gegradueerdes is al gestuur om te dien in gebiede waar daar ander tale gepraat word of om deel te neem aan die spesiale metro-getuieniswerk. Ander gegradueerdes dien later as instaankringopsieners, as kringopsieners of as veldsendelinge. Terwyl jy dink oor hoe jy meer in Jehovah se diens kan doen, hoop ons dat jy sal voel soos die profeet Jesaja wat gesê het: “Hier is ek! Stuur my!” – Jes 6:8.

KYK NA DIE VIDEO VELDSENDELINGE – WERKERS IN DIE OES, EN BEANTWOORD DAN DIE VOLGENDE VRAE:

• 

  Hoe word veldsendelinge gekies?

• 

  Watter goeie werk doen veldsendelinge?

• 

  Wat is party van die seëninge van sendingdiens?