Spesiale kampanje om Bybelstudies in September te begin

Gedurende September gaan ons baie hard werk om Bybelstudies vir almal aan te bied deur die Geniet die lewe vir ewig!-brosjure te gebruik. Verkondigers kan besluit om hulppionierdiens te doen met ’n uurvereiste van 30 uur. Hoe kan ons aan hierdie spesiale kampanje deelneem?

• Op die eerste besoek: Gebruik die agterblad van die brosjure om mense te kry om belang te stel, en probeer om ’n studie te demonstreer. Dink aan dié wat voorheen gewys het dat hulle belangstel, insluitende herbesoeke. Selfs al wou hulle nie in die verlede ’n Bybelstudie hê nie, sal hulle dalk belangstel in ons nuwe studiemetode en brosjure. Brosjures moet nie by huise gelos word waar daar niemand tuis is nie. Dit moet ook nie saam met briewe gestuur word nie, tensy iemand in die verlede belanggestel het. Die Gemeentelike Dienskomitee kan ekstra velddiensvergaderinge gedurende die maand reël.

• Ander geleenthede: As jou gemeente lektuurtrollies gebruik, vertoon die Geniet die lewe vir ewig!-brosjure. Sê vir dié wat belangstel dat as hulle ’n brosjure neem, hulle ook ’n gratis Bybelstudie kan kry. Demonstreer dan kortliks hoe ’n studie werk, of reël om dit later te doen. Die diensopsiener sal dalk reël dat bekwame verkondigers na besighede in die gebied gaan en Bybelstudies aanbied. Jy kan ook ’n Bybelstudie aanbied vir werksmaats of vir mense wat jy ontmoet wanneer jy informeel getuig.

Jesus het ons beveel om ‘dissipels te maak’ en om ‘hulle te leer’ (Mt 28:19, 20). Ons hoop dat hierdie spesiale kampanje ons kan help om hierdie doel te bereik deur Geniet die lewe vir ewig! te gebruik.