Vind baat by kruisverwysings

Kruisverwysings in die Nuwe Wêreld-vertaling van die Bybel wys die interne harmonie van die Bybel deur jou te verbind met tekste wat ekstra besonderhede bevat. Kruisverwysings word aangedui deur ’n lettertjie ná ’n woord. In gedrukte Bybels, soek na die ooreenstemmende lettertjie in die middelkolom om die verwante tekste te vind. Op jw.org of in die JW Library^®-app, kliek op die lettertjie om die verwysings te sien.

Kruisverwysings kan jou verbind met enige van die volgende en meer:

Parallelle verslag: Die verwysing neem jou na ’n verslag van dieselfde gebeurtenis in ’n ander Bybelboek. Byvoorbeeld, sien 2 Samuel 24:1 en 1 Kronieke 21:1.

Aanhaling: Die verwysing wys waar ’n frase of ’n uitdrukking oorspronklik vandaan kom. Byvoorbeeld, sien Matteus 4:4 en Deuteronomium 8:3.

Vervulde profesie: Die verwysing verbind ’n profesie met sy vervulling. Byvoorbeeld, sien Matteus 21:5 en Sagaria 9:9.