Bly by jou daaglikse Bybelleesrooster

Aangesien ons so baie dinge het om te doen, sukkel jy om jou rooster te volg om God se Woord elke dag te lees? (Jos. 1:8). Indien wel, probeer een van hierdie voorstelle:

• Stel daaglikse herinneringe op. Stel ’n alarm op jou elektroniese toestel om jou te herinner om die Bybel te lees.

• Hou jou Bybel waar jy dit kan sien. As jy uit ’n gedrukte weergawe van die Bybel lees, sit dit waar jy dit elke dag maklik kan sien. – Deut. 11:18.

• Luister na oudio-opnames. Luister hierna terwyl jy alledaagse aktiwiteite doen. Tara, ’n pionier en ’n ma wat nagskof werk, sê: “Om na die oudio-Bybel te luister terwyl ek huistakies doen, help my om my Bybellees gereeld te doen.”

• Volhard. As onverwagse omstandighede jou planne ontwrig, lees ten minste ’n paar Bybelverse voordat jy gaan slaap. Selfs ’n klein bietjie elke dag kan jou baie help. – 1 Pet. 2:2.